تانىمال تەلەجٷرگٸزۋشٸ دانا نۇرجٸگٸت جاقىندا جارىق كٶرەتٸن "كٶلەڭكە. 115-1" اتتى كٸتابىنا قاتىستى ۆيدەو جارييالاپ, جالعىزباستى انانىڭ تاعدىرى تۋرالى سٶز قوزعادى, دەپ حابارلايدى ult.kz.
تەلەجٷرگٸزۋشٸ ەلەۋمەتتٸك جەلٸدەگٸ پاراقشاسىندا جاڭا تۋىندىسىنىڭ مازمۇنىنا توقتالىپ, كٶپشٸلٸكتٸڭ نازارىن جالعىزباستى ەيەلدٸڭ ٶمٸرٸندەگٸ كٷردەلٸ جاعدايعا اۋداردى.
ۆيدەودا ول جالعىزباستى اناعا ايتىلعان كەڭەستٸ مىسالعا كەلتٸرٸپ, ونىڭ سوڭى كٷتپەگەن قايعىلى وقيعاعا ۇلاساتىنىن مەڭزەگەن.
"جالعىزباستى انا! شىندىققا تٸكە قارايتىن بولساق, سەن بۇرىنعىداي سۇلۋ ادام ەمەسسٸڭ. "جالعىزباستى ەيەلدٸڭ ەتەگٸن يا ەل, يا جەل اشادى" دەگەن سٶز بار. سوندىقتان سٶيلەسٸپ جٷرگەن بٸرەۋٸڭ بولسا, ەتەگٸنەن ۇستا دا, تەۋەكەل ەت!" – دەگەن سٶزدەردٸ كەلتٸرەدٸ تەلەجٷرگٸزۋشٸ.
الايدا مۇنداي كەڭەسكە قۇلاق اسقان ەيەلدٸڭ ٶمٸرٸ مٷلدە باسقا ارناعا بۇرىلادى.
"ول مىقتى ازامات, سىرلاس دوسىنىڭ بۇل سٶزٸنە قۇلاق تٷردٸ. بٸراق بۇل ەڭگٸمە ٷلكەن قاسٸرەتتٸڭ باسى بولاتىنىن ول كەزدە ول بٸلگەن جوق", – دەيدٸ دانا نۇرجٸگٸت.
بەلگٸلٸ بولعانداي, بۇل ەڭگٸمە تەلەجٷرگٸزۋشٸنٸڭ جەكە ٶمٸرٸنە قاتىستى مەلٸمدەمە ەمەس, ونىڭ جۋىردا جارىق كٶرەتٸن "كٶلەڭكە. 115-1" اتتى كٸتابىنداعى وقيعا جەلٸسٸنە ارنالعان.
اۆتور بەينەجازبا ارقىلى جالعىزباستى انانىڭ تاعدىرىن تانىستىرىپ, بٸر عانا شەشٸمنٸڭ ادام ٶمٸرٸنە قانشالىقتى ەسەر ەتۋٸ مٷمكٸن ەكەنٸن كٶرسەتكٸسٸ كەلگەن.
ايتا كەتەيٸك, دانا نۇرجٸگٸت بۇعان دەيٸن دە ستالكينگ مەسەلەسٸن قوعام نازارىندا كٶتەرٸپ, ەيەلدەردٸڭ قاۋٸپسٸزدٸگٸ مەن قۇقىعىن قورعاۋ تاقىرىبىندا پٸكٸر بٸلدٸرٸپ جٷرگەن.
دانا نۇرجٸگٸت كٸم?
دانا نۇرجٸگٸت – قازاقستاندىق تانىمال تەلەجٷرگٸزۋشٸ, جۋرناليست جەنە قوعام قايراتكەرٸ. ول كٶپشٸلٸككە وتاندىق تەلەۆيزيياداعى ۇزاق جىلعى قىزمەتٸ ارقىلى تانىلدى. دانا نۇرجٸگٸت 1972 جىلى 10 سەۋٸردە دٷنيەگە كەلگەن. ول ەڭبەك جولىندا اقپاراتتىق جەنە تانىمدىق باعدارلامالاردى جٷرگٸزٸپ, كٶرەرمەننٸڭ ىقىلاسىنا بٶلەندٸ. تەلەجٷرگٸزۋشٸ "قازاقستان" ۇلتتىق تەلەارناسىندا قىزمەت اتقارىپ, تٷرلٸ تەلەۆيزييالىق جوبالارعا قاتىستى. سونىمەن قاتار ول "حابار" اگەنتتٸگٸندە دە جۇمىس ٸستەدٸ. جۋرناليستيكا سالاسىنداعى ەڭبەگٸ ٷشٸن كەسٸبي ورتادا تانىمال بولدى.
1995 جىلى قۇرمانعازى اتىنداعى قازاق ۇلتتىق كونسەرۆاتوريياسىن تەمامداعان. ەڭبەك جولىن مۋزىكا سالاسىنان باستاپ, كەيٸن جۋرناليستيكاعا بەت بۇردى. 1997 جىلى "حابار" اگەنتتٸگٸندە جاڭالىقتار جٷرگٸزۋشٸسٸ بولىپ جۇمىس ٸستەي باستادى. ونىڭ كٶپشٸلٸككە كەڭٸنەن تانىلعان جوبالارىنىڭ بٸرٸ – "دارا جول" باعدارلاماسى. بۇل باعدارلامادا ەلٸمٸزدٸڭ دامۋىنا ٷلەس قوسقان تانىمال تۇلعالاردىڭ ٶمٸرٸ مەن جەتٸستٸكتەرٸ تانىستىرىلدى. 2019 جىلى دانا نۇرجٸگٸت پرەزيدەنت جارلىعىمەن قازاقستان رەسپۋبليكاسى پارلامەنتٸ سەناتىنىڭ دەپۋتاتى بولىپ تاعايىندالدى. ول بۇل قىزمەتتٸ 2023 جىلعى قاڭتارعا دەيٸن اتقاردى. سەناتتاعى جۇمىسى اياقتالعاننان كەيٸن قايتادان شىعارماشىلىق قىزمەتٸنە ورالدى.
