Belgili qazaqstandyq kinorejisser Ardaq Ámirqulov dúnieden ótti, dep habarlaidy ult.kz.
Qazaqstan Respýblikasynyń Mádeniet jáne aqparat ministrligi kórnekti kinorejisser Ardaq Ámirqulovtyń qaitys bolýyna bailanysty onyń týǵan-týystary men jaqyndaryna, áriptesterine, shákirtterine jáne barsha kino súier qaýymǵa kóńil aitady.
Bar ǵumyryn ulttyq kino ónerin damytýǵa arnaǵan Ardaq Jamansaryuly Qazaqstan kinematografiiasynyń órkendeýine ólsheýsiz úles qosty. Ol talantty rejisser, bilikti ustaz ári tálimger retinde birneshe býyn kino mamandarynyń qalyptasýyna yqpal etti.
Ardaq Ámirqulovtyń «Otyrardyń kúireýi», «Abai», «Qosh bol, Gúlsary!» jáne basqa da filmderi ulttyq kinonyń altyn qoryna endi. Onyń týyndylarynda el tarihy, halyqtyń rýhani qundylyqtary men adam taǵdyry tereń beinelenip, kórermender men kásibi mamandar tarapynan joǵary baǵalandy.
Ardaq Jamansaryulynyń jarqyn beinesi, ónegeli ómir joly jáne qazaq mádenieti men kino ónerin damytýǵa qosqan eleýli úlesi halyq jadynda máńgi saqtalady.
