بەلگٸلٸ قازاقستاندىق كينورەجيسسەر ارداق ەمٸرقۇلوۆ دٷنيەدەن ٶتتٸ, دەپ حابارلايدى ult.kz.
قازاقستان رەسپۋبليكاسىنىڭ مەدەنيەت جەنە اقپارات مينيسترلٸگٸ كٶرنەكتٸ كينورەجيسسەر ارداق ەمٸرقۇلوۆتىڭ قايتىس بولۋىنا بايلانىستى ونىڭ تۋعان-تۋىستارى مەن جاقىندارىنا, ەرٸپتەستەرٸنە, شەكٸرتتەرٸنە جەنە بارشا كينو سٷيەر قاۋىمعا كٶڭٸل ايتادى.
بار عۇمىرىن ۇلتتىق كينو ٶنەرٸن دامىتۋعا ارناعان ارداق جامانسارىۇلى قازاقستان كينەماتوگرافيياسىنىڭ ٶركەندەۋٸنە ٶلشەۋسٸز ٷلەس قوستى. ول تالانتتى رەجيسسەر, بٸلٸكتٸ ۇستاز ەرٸ تەلٸمگەر رەتٸندە بٸرنەشە بۋىن كينو ماماندارىنىڭ قالىپتاسۋىنا ىقپال ەتتٸ.
ارداق ەمٸرقۇلوۆتىڭ «وتىراردىڭ كٷيرەۋٸ», «اباي», «قوش بول, گٷلسارى!» جەنە باسقا دا فيلمدەرٸ ۇلتتىق كينونىڭ التىن قورىنا ەندٸ. ونىڭ تۋىندىلارىندا ەل تاريحى, حالىقتىڭ رۋحاني قۇندىلىقتارى مەن ادام تاعدىرى تەرەڭ بەينەلەنٸپ, كٶرەرمەندەر مەن كەسٸبي ماماندار تاراپىنان جوعارى باعالاندى.
ارداق جامانسارىۇلىنىڭ جارقىن بەينەسٸ, ٶنەگەلٸ ٶمٸر جولى جەنە قازاق مەدەنيەتٸ مەن كينو ٶنەرٸن دامىتۋعا قوسقان ەلەۋلٸ ٷلەسٸ حالىق جادىندا مەڭگٸ ساقتالادى.
