Diktor, telejýrnalist, KSRO teleradiosynyń úzdigi Tynys Ótebai qaitys boldy, - dep habarlaidy "Ult aqparat". Bul týraly "Qazaqstan" RTRK" AQ Basqarma tóraǵasy Erlan Qarin Facebook jelisinde jazdy.
«Búgin,2017 jyldyń 28 tamyzynda, «Qazaqstan» telearnasynyń tanymal diktory Tynys Ótebai aǵamyz 73 jasynda ómirden ozdy. Telearnaǵa 60-shy jyldardyń aiaǵynda kelgen Tynys aǵa, talai jyldar Ulttyq arnaǵa adal qyzmet etti. Tek qana diktor emes, uzaq eńbek jolynda túrli redaktsiialardyń basshysy bolyp, zeinetke «Qazaqstan» korporatsiiasynyń Tóraǵasynyń birinshi orynbasary qyzmetinen shyqty! Aǵamyzdyń týystaryna, jaqyndaryna qaiǵyryp kóńil aitamyz!», delingen jazbada.
Tynys Ótebai - 1944 jyldyń 14 naýryzynda Tashkent oblysy, Joǵary Shyrshyq aýdanyndaǵy Kiik ata aýylynda dúniege kelgen. Qazyǵurt aýdany ortalyǵyndaǵy 7 jyldyq mektepti, Tashkent elektrmehanika tehnikýmyn (1961), Tashkenttegi orys tili jáne ádebieti institýtyn (1971) bitirgen. Eńbek jolyn Tashkent traktor jasaý zavotynda tehnik-elektrik bolyp bastaǵan. 1963-66 jyldary Keńes Armiiasy qatarynda áskeri boryshyn ótedi. 1967 jyly Ózbek radiosynda diktor bolyp tuńǵysh qazaq baǵdarlamasy "Zamandasty" ashýǵa atsalysyp, Ózbek teledidaryna aýysty. 1971 jyldan "Qazaqstan" teleradio komitetinde diktor, bas redaktor, direktor, komitet tóraǵasynyń 1-orynbasary qyzmetterin atqaryp keldi. Qazaqstan Jýrnalister odaǵy syilyǵynyń laýreaty atanǵan.
