ديكتور, تەلەجۋرناليست, كسرو تەلەراديوسىنىڭ ٷزدٸگٸ تىنىس ٶتەباي قايتىس بولدى, - دەپ حابارلايدى "ۇلت اقپارات". بۇل تۋرالى "قازاقستان" رترك" اق باسقارما تٶراعاسى ەرلان قارين Facebook جەلٸسٸندە جازدى.
«بٷگٸن,2017 جىلدىڭ 28 تامىزىندا, «قازاقستان» تەلەارناسىنىڭ تانىمال ديكتورى تىنىس ٶتەباي اعامىز 73 جاسىندا ٶمٸردەن وزدى. تەلەارناعا 60-شى جىلداردىڭ اياعىندا كەلگەن تىنىس اعا, تالاي جىلدار ۇلتتىق ارناعا ادال قىزمەت ەتتٸ. تەك قانا ديكتور ەمەس, ۇزاق ەڭبەك جولىندا تٷرلٸ رەداكتسييالاردىڭ باسشىسى بولىپ, زەينەتكە «قازاقستان» كورپوراتسيياسىنىڭ تٶراعاسىنىڭ بٸرٸنشٸ ورىنباسارى قىزمەتٸنەن شىقتى! اعامىزدىڭ تۋىستارىنا, جاقىندارىنا قايعىرىپ كٶڭٸل ايتامىز!», دەلٸنگەن جازبادا.
تىنىس ٶتەباي - 1944 جىلدىڭ 14 ناۋرىزىندا تاشكەنت وبلىسى, جوعارى شىرشىق اۋدانىنداعى كيٸك اتا اۋىلىندا دٷنيەگە كەلگەن. قازىعۇرت اۋدانى ورتالىعىنداعى 7 جىلدىق مەكتەپتٸ, تاشكەنت ەلەكترمەحانيكا تەحنيكۋمىن (1961), تاشكەنتتەگٸ ورىس تٸلٸ جەنە ەدەبيەتٸ ينستيتۋتىن (1971) بٸتٸرگەن. ەڭبەك جولىن تاشكەنت تراكتور جاساۋ زاۆوتىندا تەحنيك-ەلەكتريك بولىپ باستاعان. 1963-66 جىلدارى كەڭەس ارميياسى قاتارىندا ەسكەري بورىشىن ٶتەدٸ. 1967 جىلى ٶزبەك راديوسىندا ديكتور بولىپ تۇڭعىش قازاق باعدارلاماسى "زامانداستى" اشۋعا اتسالىسىپ, ٶزبەك تەلەديدارىنا اۋىستى. 1971 جىلدان "قازاقستان" تەلەراديو كوميتەتٸندە ديكتور, باس رەداكتور, ديرەكتور, كوميتەت تٶراعاسىنىڭ 1-ورىنباسارى قىزمەتتەرٸن اتقارىپ كەلدٸ. قازاقستان جۋرناليستەر وداعى سىيلىعىنىڭ لاۋرەاتى اتانعان.
