6 jeltoqsanda Belarýs kúshtik qurylym ókilderi Aleksandr Lýkashenko rejimine qarsy narazylyq aktsiiasy kezinde 300-den astam adamdy ustaǵan. Elde narazylyqtyń jalǵasyp jatqanyna shamamen 4 ai boldy, dep habarlaidy Azattyq.
Jeksenbi kúni narazylyqqa naqty qansha adamnyń shyqqany belgisiz, sebebi osyǵan deiin belsendiler bir mezgilde kóp adam ustalmas úshin turǵyndardy bir orynǵa jinalmaýǵa shaqyrǵan edi. Sol sebepti demalys kúni qalanyń barlyq-derlik aýdanynda aktsiia ótken. Nexta telegram-arnasynda jariialanǵan videolarǵa qarap, ondaǵan myń adam kóshege shyqty dep aitýǵa bolady. Minsk ortalyǵyna áskeri tehnika ákelingen.
"Vesna" quqyq qorǵaý tobynyń málimetinshe, keshke qarai Minskiniń birqatar aýdandary men ózge qalalarda 300-den astam adam ustalǵan.
Minsk men eldiń ózge qalalarynda narazylyq aktsiiasy 9 tamyzdan beri jalǵasyp jatyr. Ortalyq sailaý komissiiasy Lýkashenkony sailaýdyń jeńimpazy dep ataǵannan keiin turǵyndar kóshege shyǵyp, prezident sailaýynyń nátijesin joiýdy talap etken. Buǵan qosa, demonstranttarǵa kúsh qoldanýǵa da qarsy shyqqan. Batys elderi Lýkashenkonyń jeńisin moiyndamaidy. Eýroodaq Belarýs sheneýnikterine sanktsiia salǵan.
Narazylyqty kúshpen basý kezinde keminde 5 adam qaza bolǵan, 6 adam iz-túzsiz joǵalǵan. Quqyq qorǵaýshylardyń aitýynsha, shamamen 30 myń adam qýdalanyp, qoqan-loqyǵa ushyraǵan.
Resei Belarýstegi sailaý nátijesin moiyndap, jaǵdai ýshyqsa Lýkashenkoǵa áskeri kómek berýge ýáde bergen.
