6 جەلتوقساندا بەلارۋس كٷشتٸك قۇرىلىم ٶكٸلدەرٸ الەكساندر لۋكاشەنكو رەجيمٸنە قارسى نارازىلىق اكتسيياسى كەزٸندە 300-دەن استام ادامدى ۇستاعان. ەلدە نارازىلىقتىڭ جالعاسىپ جاتقانىنا شامامەن 4 اي بولدى, دەپ حابارلايدى ازاتتىق.
جەكسەنبٸ كٷنٸ نارازىلىققا ناقتى قانشا ادامنىڭ شىققانى بەلگٸسٸز, سەبەبٸ وسىعان دەيٸن بەلسەندٸلەر بٸر مەزگٸلدە كٶپ ادام ۇستالماس ٷشٸن تۇرعىنداردى بٸر ورىنعا جينالماۋعا شاقىرعان ەدٸ. سول سەبەپتٸ دەمالىس كٷنٸ قالانىڭ بارلىق-دەرلٸك اۋدانىندا اكتسييا ٶتكەن. Nexta تەلەگرام-ارناسىندا جارييالانعان ۆيدەولارعا قاراپ, ونداعان مىڭ ادام كٶشەگە شىقتى دەپ ايتۋعا بولادى. مينسك ورتالىعىنا ەسكەري تەحنيكا ەكەلٸنگەن.
"ۆەسنا" قۇقىق قورعاۋ توبىنىڭ مەلٸمەتٸنشە, كەشكە قاراي مينسكٸنٸڭ بٸرقاتار اۋداندارى مەن ٶزگە قالالاردا 300-دەن استام ادام ۇستالعان.
مينسك مەن ەلدٸڭ ٶزگە قالالارىندا نارازىلىق اكتسيياسى 9 تامىزدان بەرٸ جالعاسىپ جاتىر. ورتالىق سايلاۋ كوميسسيياسى لۋكاشەنكونى سايلاۋدىڭ جەڭٸمپازى دەپ اتاعاننان كەيٸن تۇرعىندار كٶشەگە شىعىپ, پرەزيدەنت سايلاۋىنىڭ نەتيجەسٸن جويۋدى تالاپ ەتكەن. بۇعان قوسا, دەمونسترانتتارعا كٷش قولدانۋعا دا قارسى شىققان. باتىس ەلدەرٸ لۋكاشەنكونىڭ جەڭٸسٸن مويىندامايدى. ەۋرووداق بەلارۋس شەنەۋنٸكتەرٸنە سانكتسييا سالعان.
نارازىلىقتى كٷشپەن باسۋ كەزٸندە كەمٸندە 5 ادام قازا بولعان, 6 ادام ٸز-تٷزسٸز جوعالعان. قۇقىق قورعاۋشىلاردىڭ ايتۋىنشا, شامامەن 30 مىڭ ادام قۋدالانىپ, قوقان-لوقىعا ۇشىراعان.
رەسەي بەلارۋستەگٸ سايلاۋ نەتيجەسٸن مويىنداپ, جاعداي ۋشىقسا لۋكاشەنكوعا ەسكەري كٶمەك بەرۋگە ۋەدە بەرگەن.
