Almaty qalasy sanitariialyq-epidemiologiialyq baqylaý departamentiniń basshysy, qalanyń bas memlekettik sanitar dárigeri Jandarbek Bekshin onlain brifing barysynda otandyq vaktsinanyń sapasy týraly aitty, dep habarlaidy "Ult aqparat".
«Qazir biologiialyq qaýipsizdik problemalary ǵylymi-zertteý institýtynyń bazasynda otandyq vaktsina shyǵarý máselesi qarastyrylyp jatyr. Biz testileýdiń ekinshi kezeńi aiaqtalǵanyn bilemiz. Jáne ol sátti ótti. Otandyq vaktsinanyń tiimdiligi 96% degen aqparat bar. Endi Úkimet, Densaýlyq saqtaý jáne Bilim jáne ǵylym ministrligi otandyq vaktsina óndirisin bastaý máselesin rettep jatyr.Synaqtan ótkizýdiń úshinshi kezeńi Taraz ben Almatyda ótedi. Tirkeýden keiin onyń ónerkásiptik óndirisi bastalady», - dep atap ótti Jandarbek Bekshin.
Sondai-aq, Almaty qalasy sanitariialyq-epidemiologiialyq baqylaý departamentiniń basshysy vaktsina saldyrýǵa daiyn ekenin atap ótti.
«Men koronavirýspen aýyrdym. Endi dárigerlermen keńesemin, eger immýnologtar vaktsina saldyrýǵa ruqsat berse, onda men de koronavirýsqa qarsy ekpe alamyn», - deidi qalanyń bas sanitar dárigeri.
Eske salaiyq, 4 jeltoqsan kúni Premer-Ministr Prezidentke klinikalyq synaqtyń 1 jáne 2-kezeńi aiaqtalǵanyn málimdedi.
Asqar Maminniń aitýynsha, vaktsinanyń keri áseri anyqtalǵan joq jáne onyń joǵary tiimdiligi tirkeldi.
25 jeltoqsannan bastap klinikalyq synaqtardyń 3-shi kezeńinde atalǵan vaktsina 3 myń eriktige egiledi. Synaq 2021 jyly naýryzdyń sońyna qarai aiaqtalady.
