20 qańtarda AQSh prezidenti qyzmetine kirisken Djo Baiden seisenbi kúni Resei basshysy Vladimir Pýtinmen alǵash ret telefonmen sóilesti. "Amerika daýysy" saity Baidenniń buǵan deiin AQSh-tyń Reseimen saiasatyn túbirimen ózgertýge ýáde bergenin eske saldy.
AQSh prezidenti áńgime barysynda Kreml synshysy Aleksei Navalnyidyń qamalýyna jáne Qyrym anneksiiasy máselesine alańdaýshylyq bildirgen. Eki basshy aqpan aiynda merzimi aiaqtalatyn iadrolyq strategiialyq shabýyl qarýlaryn qysqartý jáne shekteý jónindegi sharalar týraly kelisimdi (SNV-3) uzartýǵa daiyn ekenin jetkizgen.
Aq úi habarlamasynda SNV-3 kelisimin uzartýdan bólek taraptar "qarý-jaraqty baqylaý jáne qaýipsizdikke qatysty birqatar másele boiynsha strategiialyq turaqtylyqty qolǵa alýǵa kelisti" dep jazylǵan. Kelisimdi uzartý máselesinde eki basshynyń ortaq til tapqanyna qaramastan Baiden AQSh pen Resei arasyndaǵy qarym-qatynastyń sipatyn anyqtaityn birqatar mańyzdy máselege alańdaǵan. Aq úidiń habarlaýynsha, Baiden Ýkrainanyń egemendigin qoldaitynyn atap ótken. AQSh-tyń jańa prezidenti sonymen birge Resei qatysy bolýy múmkin AQSh úkimeti men iri kompaniialarǵa jasalǵan iri kiber shabýyl máselesin qozǵaǵan. Buǵan qosa, "Resei arnaiy qyzmeti Aýǵanstandaǵy AQSh sarbazdaryn óltirgeni úshin talibandarǵa aqshalai syiaqy usyndy" degen aqparatty kóldeneń tartqan.
Reseilik resmi BAQ taraptar AQSh-tyń Ashyq áýe keńistigi jaily kelisimnen shyǵýy, "Ýkrainanyń óz ishki máselelerin retteýi", BUU Qaýipsizdik keńesiniń turaqty músheleriniń sammitin ótkizý týraly Resei bastamasyn talqylady dep habarlady.
Kremldiń baspasóz qyzmeti Resei men AQSh prezidentteri ashyq, iskerlik sipatta suhbattasty dep habarlady. Biraq habarlamada Navalnyi, Ýkraina egemendigi, hakerlik shabýyl jaily aitylmaidy.
