20 قاڭتاردا اقش پرەزيدەنتٸ قىزمەتٸنە كٸرٸسكەن دجو بايدەن سەيسەنبٸ كٷنٸ رەسەي باسشىسى ۆلاديمير پۋتينمەن العاش رەت تەلەفونمەن سٶيلەستٸ. "امەريكا داۋىسى" سايتى بايدەننٸڭ بۇعان دەيٸن اقش-تىڭ رەسەيمەن ساياساتىن تٷبٸرٸمەن ٶزگەرتۋگە ۋەدە بەرگەنٸن ەسكە سالدى.
اقش پرەزيدەنتٸ ەڭگٸمە بارىسىندا كرەمل سىنشىسى الەكسەي ناۆالنىيدىڭ قامالۋىنا جەنە قىرىم اننەكسيياسى مەسەلەسٸنە الاڭداۋشىلىق بٸلدٸرگەن. ەكٸ باسشى اقپان ايىندا مەرزٸمٸ اياقتالاتىن يادرولىق ستراتەگييالىق شابۋىل قارۋلارىن قىسقارتۋ جەنە شەكتەۋ جٶنٸندەگٸ شارالار تۋرالى كەلٸسٸمدٸ (سنۆ-3) ۇزارتۋعا دايىن ەكەنٸن جەتكٸزگەن.
اق ٷي حابارلاماسىندا سنۆ-3 كەلٸسٸمٸن ۇزارتۋدان بٶلەك تاراپتار "قارۋ-جاراقتى باقىلاۋ جەنە قاۋٸپسٸزدٸككە قاتىستى بٸرقاتار مەسەلە بويىنشا ستراتەگييالىق تۇراقتىلىقتى قولعا الۋعا كەلٸستٸ" دەپ جازىلعان. كەلٸسٸمدٸ ۇزارتۋ مەسەلەسٸندە ەكٸ باسشىنىڭ ورتاق تٸل تاپقانىنا قاراماستان بايدەن اقش پەن رەسەي اراسىنداعى قارىم-قاتىناستىڭ سيپاتىن انىقتايتىن بٸرقاتار ماڭىزدى مەسەلەگە الاڭداعان. اق ٷيدٸڭ حابارلاۋىنشا, بايدەن ۋكراينانىڭ ەگەمەندٸگٸن قولدايتىنىن اتاپ ٶتكەن. اقش-تىڭ جاڭا پرەزيدەنتٸ سونىمەن بٸرگە رەسەي قاتىسى بولۋى مٷمكٸن اقش ٷكٸمەتٸ مەن ٸرٸ كومپانييالارعا جاسالعان ٸرٸ كيبەر شابۋىل مەسەلەسٸن قوزعاعان. بۇعان قوسا, "رەسەي ارنايى قىزمەتٸ اۋعانستانداعى اقش ساربازدارىن ٶلتٸرگەنٸ ٷشٸن تاليباندارعا اقشالاي سىياقى ۇسىندى" دەگەن اقپاراتتى كٶلدەنەڭ تارتقان.
رەسەيلٸك رەسمي باق تاراپتار اقش-تىڭ اشىق ەۋە كەڭٸستٸگٸ جايلى كەلٸسٸمنەن شىعۋى, "ۋكراينانىڭ ٶز ٸشكٸ مەسەلەلەرٸن رەتتەۋٸ", بۇۇ قاۋٸپسٸزدٸك كەڭەسٸنٸڭ تۇراقتى مٷشەلەرٸنٸڭ سامميتٸن ٶتكٸزۋ تۋرالى رەسەي باستاماسىن تالقىلادى دەپ حابارلادى.
كرەملدٸڭ باسپاسٶز قىزمەتٸ رەسەي مەن اقش پرەزيدەنتتەرٸ اشىق, ٸسكەرلٸك سيپاتتا سۇحباتتاستى دەپ حابارلادى. بٸراق حابارلامادا ناۆالنىي, ۋكراينا ەگەمەندٸگٸ, حاكەرلٸك شابۋىل جايلى ايتىلمايدى.
