Nur Otan partiiasy tóraǵasynyń birinshi orynbasary Baýyrjan Baibek Mańǵystaý óńirine jumys saparymen baryp, partiianyń oblystyq filialynyń kezekten tys XXXI konferentsiiasyna qatysty, dep habarlady partiianyń baspasóz qyzmeti.
Jiyn barysynda ol partiianyń jańa kezeńdegi mindetterin anyqtap, aldaǵy jumystyń baǵyt-baǵdaryn aiqyndap berdi.
Óz sózinde Baýyrjan Baibek partiianyń sybailas jemqorlyqpen kúresti odan ári kúsheitetinin aityp, bul jumysty eń aldymen óz ishinen bastaitynyn jetkizdi. Osy rette Mańǵystaý oblysynda keibir basshylyq qyzmettegi adamdardyń sybailas jemqorlyqpen ustalǵany týraly derekterdiń bar ekenin atap ótken jón.
«Óńirlik filialdyń basshylyǵy jemqorlyqqa qarsy kúres jónindegi qoǵamdyq keńesterdiń quramy men jumysyn júieli qadaǵalap otyrý kerek. Qazir partiia qataryn «tazalaý» jumystaryn júrgizemiz. Bul iste biz sanǵa emes, sapaǵa basa mán beremiz», – dedi partiia tóraǵasynyń birinshi orynbasary.
Adamǵa laiyqty jaǵdai jasaý, onyń quqyqtary men erkindigin qorǵaý, joǵary ómir súrý deńgeiin qamtamasyz etý – partiia jumysynyń negizgi basymdyqtary. Sondyqtan Qazaqstan Prezidenti Qasym-Jomart Toqaevtyń Sailaýaldy tuǵyrnamasyn júzege asyrýda partiianyń róli erekshe.
Osy máselege nazar aýdarǵan partiia Tóraǵasynyń birinshi orynbasary basty mindet halyqtyń senimin kúsheitý ekenin tilge tiek etti.
«Halyqtyń senimin kúsheitý úshin Elbasy partiia jumysyn túbegeili qaita qarastyryp, mazmundy «qaita júkteýdi» tapsyrdy. Bul iste biz partiialyq baqylaýdy kúsheitip, atqarylǵan jumystardy Parlament pen máslihattardaǵy fraktsiialarymyzda belsendi túrde talqylaityn bolamyz», – dedi Baýyrjan Baibek.
Sonymen birge jiyn barysynda depýtattyq saýaldar búkil qoǵamdy alańdatqan asa ózekti máselelermen úndesip, bailanysyp jatýy kerektigi, partiia osy baǵyttaǵy baqylaýdy kúsheitýi tiis ekeni aityldy. Osy rette partiia tóraǵasynyń birinshi orynbasary Mańǵystaý oblystyq máslihatyndaǵy depýtattyq fraktsiianyń jumysy kóńil kóńshitpeitinine nazar aýdardy.
«Jumys qorytyndysy boiynsha Mańǵystaý oblysy sońǵy eki jylda kósh sońynda qalyp keledi. Eger bizdiń depýtattar belsendilik tanytyp, ózekti máselelerdi talqylap, halyqpen kezdespese, buqaralyq aqparat quraldary men áleýmettik jelilerde sóilemese, qandai qoǵamdyq senim týraly aitýǵa bolady?! Partiia jarty jyldan keiin sailaýǵa kimmen barady?! Sondyqtan bul baǵytta Mańǵystaý oblysy tiimdi tetikterdi iske qosýy kerek», – dedi Baýyrjan Baibek.
Sonymen qatar ol Elbasy, partiia tóraǵasynyń jańa kezeńde bastaýysh partiia uiymdarynyń jumysyn jandandyrý, halyqpen keri bailanysty júieli jolǵa qoiý, ár ótinishti nazardan tys qaldyrmai, der kezinde áreket etýdi partiianyń aldyna mańyzdy mindetter retinde qoiyp otyrǵanyn aitty.
«Partiia halyqtyń únin esti de, tyńdai da bilý kerek. Sol sebepti partiianyń qoǵamdyq qabyldaý jumysyn kúsheitýimiz qajet. Bul iste Mańǵystaý oblysynda ótinishterdi tirkeýde keshigý siiaqty máseleler bar. Sondyqtan árbir kelip túsken ótinish mindetti túrde tirkelip, ol tolyǵymen oń sheshimin tapqanǵa deiin qatań baqylaýda bolýy tiis», – dedi partiia tóraǵasynyń birinshi orynbasary.
Sapar barysynda Baýyrjan Baibek halyqtan kelip túsken ótinishterge sáikes oblys ortalyǵynda salynyp jatqan onkologiialyq dispanserge bardy. Bul densaýlyq saqtaý nysanynyń qurylysy 2009 jyly bastalǵan. Sodan beri jumysy ónbegen qurylysqa qatysty jergilikti turǵyndar partiiaǵa shaǵymdanǵan. Sondyqtan bul nysan paidalanýǵa berilgenge deiin Nur Otan-nyń qatań baqylaýynda bolady.
Aita keteiik, Baýyrjan Baibektiń qatysýymen ótken partiia oblystyq filialynyń konferentsiiasynda Mańǵystaý oblysynyń ákimi Serikbai Turymov partiianyń oblystyq filialynyń tóraǵasy bolyp sailandy.
.jpeg)