Nur Otan پارتيياسى تٶراعاسىنىڭ بٸرٸنشٸ ورىنباسارى باۋىرجان بايبەك ماڭعىستاۋ ٶڭٸرٸنە جۇمىس ساپارىمەن بارىپ, پارتييانىڭ وبلىستىق فيليالىنىڭ كەزەكتەن تىس XXXI كونفەرەنتسيياسىنا قاتىستى, دەپ حابارلادى پارتييانىڭ باسپاسٶز قىزمەتٸ.
جيىن بارىسىندا ول پارتييانىڭ جاڭا كەزەڭدەگٸ مٸندەتتەرٸن انىقتاپ, الداعى جۇمىستىڭ باعىت-باعدارىن ايقىنداپ بەردٸ.
ٶز سٶزٸندە باۋىرجان بايبەك پارتييانىڭ سىبايلاس جەمقورلىقپەن كٷرەستٸ ودان ەرٸ كٷشەيتەتٸنٸن ايتىپ, بۇل جۇمىستى ەڭ الدىمەن ٶز ٸشٸنەن باستايتىنىن جەتكٸزدٸ. وسى رەتتە ماڭعىستاۋ وبلىسىندا كەيبٸر باسشىلىق قىزمەتتەگٸ ادامداردىڭ سىبايلاس جەمقورلىقپەن ۇستالعانى تۋرالى دەرەكتەردٸڭ بار ەكەنٸن اتاپ ٶتكەن جٶن.
«ٶڭٸرلٸك فيليالدىڭ باسشىلىعى جەمقورلىققا قارسى كٷرەس جٶنٸندەگٸ قوعامدىق كەڭەستەردٸڭ قۇرامى مەن جۇمىسىن جٷيەلٸ قاداعالاپ وتىرۋ كەرەك. قازٸر پارتييا قاتارىن «تازالاۋ» جۇمىستارىن جٷرگٸزەمٸز. بۇل ٸستە بٸز سانعا ەمەس, ساپاعا باسا مەن بەرەمٸز», – دەدٸ پارتييا تٶراعاسىنىڭ بٸرٸنشٸ ورىنباسارى.
ادامعا لايىقتى جاعداي جاساۋ, ونىڭ قۇقىقتارى مەن ەركٸندٸگٸن قورعاۋ, جوعارى ٶمٸر سٷرۋ دەڭگەيٸن قامتاماسىز ەتۋ – پارتييا جۇمىسىنىڭ نەگٸزگٸ باسىمدىقتارى. سوندىقتان قازاقستان پرەزيدەنتٸ قاسىم-جومارت توقاەۆتىڭ سايلاۋالدى تۇعىرناماسىن جٷزەگە اسىرۋدا پارتييانىڭ رٶلٸ ەرەكشە.
وسى مەسەلەگە نازار اۋدارعان پارتييا تٶراعاسىنىڭ بٸرٸنشٸ ورىنباسارى باستى مٸندەت حالىقتىڭ سەنٸمٸن كٷشەيتۋ ەكەنٸن تٸلگە تيەك ەتتٸ.
«حالىقتىڭ سەنٸمٸن كٷشەيتۋ ٷشٸن ەلباسى پارتييا جۇمىسىن تٷبەگەيلٸ قايتا قاراستىرىپ, مازمۇندى «قايتا جٷكتەۋدٸ» تاپسىردى. بۇل ٸستە بٸز پارتييالىق باقىلاۋدى كٷشەيتٸپ, اتقارىلعان جۇمىستاردى پارلامەنت پەن مەسليحاتتارداعى فراكتسييالارىمىزدا بەلسەندٸ تٷردە تالقىلايتىن بولامىز», – دەدٸ باۋىرجان بايبەك.
سونىمەن بٸرگە جيىن بارىسىندا دەپۋتاتتىق ساۋالدار بٷكٸل قوعامدى الاڭداتقان اسا ٶزەكتٸ مەسەلەلەرمەن ٷندەسٸپ, بايلانىسىپ جاتۋى كەرەكتٸگٸ, پارتييا وسى باعىتتاعى باقىلاۋدى كٷشەيتۋٸ تيٸس ەكەنٸ ايتىلدى. وسى رەتتە پارتييا تٶراعاسىنىڭ بٸرٸنشٸ ورىنباسارى ماڭعىستاۋ وبلىستىق مەسليحاتىنداعى دەپۋتاتتىق فراكتسييانىڭ جۇمىسى كٶڭٸل كٶڭشٸتپەيتٸنٸنە نازار اۋداردى.
«جۇمىس قورىتىندىسى بويىنشا ماڭعىستاۋ وبلىسى سوڭعى ەكٸ جىلدا كٶش سوڭىندا قالىپ كەلەدٸ. ەگەر بٸزدٸڭ دەپۋتاتتار بەلسەندٸلٸك تانىتىپ, ٶزەكتٸ مەسەلەلەردٸ تالقىلاپ, حالىقپەن كەزدەسپەسە, بۇقارالىق اقپارات قۇرالدارى مەن ەلەۋمەتتٸك جەلٸلەردە سٶيلەمەسە, قانداي قوعامدىق سەنٸم تۋرالى ايتۋعا بولادى?! پارتييا جارتى جىلدان كەيٸن سايلاۋعا كٸممەن بارادى?! سوندىقتان بۇل باعىتتا ماڭعىستاۋ وبلىسى تيٸمدٸ تەتٸكتەردٸ ٸسكە قوسۋى كەرەك», – دەدٸ باۋىرجان بايبەك.
سونىمەن قاتار ول ەلباسى, پارتييا تٶراعاسىنىڭ جاڭا كەزەڭدە باستاۋىش پارتييا ۇيىمدارىنىڭ جۇمىسىن جانداندىرۋ, حالىقپەن كەرٸ بايلانىستى جٷيەلٸ جولعا قويۋ, ەر ٶتٸنٸشتٸ نازاردان تىس قالدىرماي, دەر كەزٸندە ەرەكەت ەتۋدٸ پارتييانىڭ الدىنا ماڭىزدى مٸندەتتەر رەتٸندە قويىپ وتىرعانىن ايتتى.
«پارتييا حالىقتىڭ ٷنٸن ەستي دە, تىڭداي دا بٸلۋ كەرەك. سول سەبەپتٸ پارتييانىڭ قوعامدىق قابىلداۋ جۇمىسىن كٷشەيتۋٸمٸز قاجەت. بۇل ٸستە ماڭعىستاۋ وبلىسىندا ٶتٸنٸشتەردٸ تٸركەۋدە كەشٸگۋ سيياقتى مەسەلەلەر بار. سوندىقتان ەربٸر كەلٸپ تٷسكەن ٶتٸنٸش مٸندەتتٸ تٷردە تٸركەلٸپ, ول تولىعىمەن وڭ شەشٸمٸن تاپقانعا دەيٸن قاتاڭ باقىلاۋدا بولۋى تيٸس», – دەدٸ پارتييا تٶراعاسىنىڭ بٸرٸنشٸ ورىنباسارى.
ساپار بارىسىندا باۋىرجان بايبەك حالىقتان كەلٸپ تٷسكەن ٶتٸنٸشتەرگە سەيكەس وبلىس ورتالىعىندا سالىنىپ جاتقان ونكولوگييالىق ديسپانسەرگە باردى. بۇل دەنساۋلىق ساقتاۋ نىسانىنىڭ قۇرىلىسى 2009 جىلى باستالعان. سودان بەرٸ جۇمىسى ٶنبەگەن قۇرىلىسقا قاتىستى جەرگٸلٸكتٸ تۇرعىندار پارتيياعا شاعىمدانعان. سوندىقتان بۇل نىسان پايدالانۋعا بەرٸلگەنگە دەيٸن Nur Otan-نىڭ قاتاڭ باقىلاۋىندا بولادى.
ايتا كەتەيٸك, باۋىرجان بايبەكتٸڭ قاتىسۋىمەن ٶتكەن پارتييا وبلىستىق فيليالىنىڭ كونفەرەنتسيياسىندا ماڭعىستاۋ وبلىسىنىڭ ەكٸمٸ سەرٸكباي تۇرىموۆ پارتييانىڭ وبلىستىق فيليالىنىڭ تٶراعاسى بولىپ سايلاندى.
.jpeg)