Almatyda turǵyndar quqyq buzýshylyq týraly QR-kodty skanerleý arqyly politsiiaǵa habarlai alady, dep habarlaidy ult.kz.
5 qazan men 5 qarasha aralyǵynda qalada «Qaýipsiz úi» respýblikalyq jedel-profilaktikalyq is-sharasy ótip jatyr. Onyń aiasynda quqyq buzýshylyq týraly habarlaýǵa arnalǵan QR-kody bar aqparattyq paraqshalar ornalastyrylýda.
Politsiiaǵa habarlaý úshin turǵyndar QR-kodty skanerlep, bolǵan oqiǵany sipattap, naqty mekenjaiyn kórsetip, keminde bir fotosýret tirkeýi kerek. Kelip túsken aqparatty politsiia qyzmetkerleri zerdelep, tiisti sharalar qabyldaidy.
«Qoǵamdyq qaýipsizdik politsiia men turǵyndardyń birlesken jumysy arqyly qamtamasyz etiledi. Quqyq buzýshylyq týraly aqparat neǵurlym erte tússe, soǵurlym jedel áreket etip, qajetti sharalardy qabyldaýǵa múmkindik bar. QR-kod – turǵyndardyń politsiiamen bailanysýyna arnalǵan qosymsha ári qolaily qural», – dedi Timýr Noǵaibaev.
Ol Almaty turǵyndaryn anyqtalǵan quqyq buzýshylyqtar týraly politsiiaǵa der kezinde habarlap, qalanyń qaýipsiz ári jaily bolýyna úles qosýǵa shaqyrdy.
