الماتىدا تۇرعىندار قۇقىق بۇزۋشىلىق تۋرالى QR-كودتى سكانەرلەۋ ارقىلى پوليتسيياعا حابارلاي الادى, دەپ حابارلايدى ult.kz.
5 قازان مەن 5 قاراشا ارالىعىندا قالادا «قاۋٸپسٸز ٷي» رەسپۋبليكالىق جەدەل-پروفيلاكتيكالىق ٸس-شاراسى ٶتٸپ جاتىر. ونىڭ اياسىندا قۇقىق بۇزۋشىلىق تۋرالى حابارلاۋعا ارنالعان QR-كودى بار اقپاراتتىق پاراقشالار ورنالاستىرىلۋدا.
پوليتسيياعا حابارلاۋ ٷشٸن تۇرعىندار QR-كودتى سكانەرلەپ, بولعان وقيعانى سيپاتتاپ, ناقتى مەكەنجايىن كٶرسەتٸپ, كەمٸندە بٸر فوتوسۋرەت تٸركەۋٸ كەرەك. كەلٸپ تٷسكەن اقپاراتتى پوليتسييا قىزمەتكەرلەرٸ زەردەلەپ, تيٸستٸ شارالار قابىلدايدى.
«قوعامدىق قاۋٸپسٸزدٸك پوليتسييا مەن تۇرعىنداردىڭ بٸرلەسكەن جۇمىسى ارقىلى قامتاماسىز ەتٸلەدٸ. قۇقىق بۇزۋشىلىق تۋرالى اقپارات نەعۇرلىم ەرتە تٷسسە, سوعۇرلىم جەدەل ەرەكەت ەتٸپ, قاجەتتٸ شارالاردى قابىلداۋعا مٷمكٸندٸك بار. QR-كود – تۇرعىنداردىڭ پوليتسييامەن بايلانىسۋىنا ارنالعان قوسىمشا ەرٸ قولايلى قۇرال», – دەدٸ تيمۋر نوعايباەۆ.
ول الماتى تۇرعىندارىن انىقتالعان قۇقىق بۇزۋشىلىقتار تۋرالى پوليتسيياعا دەر كەزٸندە حابارلاپ, قالانىڭ قاۋٸپسٸز ەرٸ جايلى بولۋىنا ٷلەس قوسۋعا شاقىردى.
