QR Eńbek jáne halyqty áleýmettik qorǵaý ministri Serik Shápkenov vedomstvonyń keńeitilgen alqa májilisinde eńbek daýlaryn júieli sheshý úshin qandai sharalar qabyldanyp jatqanyn baiandady, dep habarlaidy QazAqparat.
Serik Shápkenovtiń aitýynsha, eńbek janjaldaryn sheshýge kásipodaqtardyń qatysýyn kózdeitin zań jobalaryn ázirlenbek.
«Búginde 66 kásiporyn monitoringpen qamtylǵan. Jumysshylardyń jalaqy mólsherine narazylyǵyna bailanysty táýekelder áli de bar. Olar negizinen Mańǵystaý (27 kásiporyn), Atyraý (12) jáne Batys Qazaqstan (7) oblystarynda baiqalady. Qazirgi ýaqytta táýekel aimaǵynda ornalasqan 46 kásiporyn boiynsha qyzmetkerler jalaqyny kóterýdi talap etýde», - dedi vedomstvo basshysy.
Aitýynsha, 2021 jyldyń qorytyndysy boiynsha 3,1 mln adam 157 myń teńgege deiin nemese «medianalyq» deńgeiden tómen jalaqy alǵan.
«Eńbekaqy monitoringisiniń nátijesinde biz ákimdikterge 2,8 myń iri kásiporynnyń tizimin jiberdik Olarmen kásipodaqtarmen birge jalaqyny arttyrýǵa bailanysty jumys júrgizý qajet», – dedi Serik Shápkenov.
Ministrdiń aitýyna qaraǵanda, búgingi tańda jalaqy boiynsha bereshek 901 mln teńge bolǵan.
