قر ەڭبەك جەنە حالىقتى ەلەۋمەتتٸك قورعاۋ مينيسترٸ سەرٸك شەپكەنوۆ ۆەدومستۆونىڭ كەڭەيتٸلگەن القا مەجٸلٸسٸندە ەڭبەك داۋلارىن جٷيەلٸ شەشۋ ٷشٸن قانداي شارالار قابىلدانىپ جاتقانىن باياندادى, دەپ حابارلايدى قازاقپارات.
سەرٸك شەپكەنوۆتٸڭ ايتۋىنشا, ەڭبەك جانجالدارىن شەشۋگە كەسٸپوداقتاردىڭ قاتىسۋىن كٶزدەيتٸن زاڭ جوبالارىن ەزٸرلەنبەك.
«بٷگٸندە 66 كەسٸپورىن مونيتورينگپەن قامتىلعان. جۇمىسشىلاردىڭ جالاقى مٶلشەرٸنە نارازىلىعىنا بايلانىستى تەۋەكەلدەر ەلٸ دە بار. ولار نەگٸزٸنەن ماڭعىستاۋ (27 كەسٸپورىن), اتىراۋ (12) جەنە باتىس قازاقستان (7) وبلىستارىندا بايقالادى. قازٸرگٸ ۋاقىتتا تەۋەكەل ايماعىندا ورنالاسقان 46 كەسٸپورىن بويىنشا قىزمەتكەرلەر جالاقىنى كٶتەرۋدٸ تالاپ ەتۋدە», - دەدٸ ۆەدومستۆو باسشىسى.
ايتۋىنشا, 2021 جىلدىڭ قورىتىندىسى بويىنشا 3,1 ملن ادام 157 مىڭ تەڭگەگە دەيٸن نەمەسە «مەديانالىق» دەڭگەيدەن تٶمەن جالاقى العان.
«ەڭبەكاقى مونيتورينگٸسٸنٸڭ نەتيجەسٸندە بٸز ەكٸمدٸكتەرگە 2,8 مىڭ ٸرٸ كەسٸپورىننىڭ تٸزٸمٸن جٸبەردٸك ولارمەن كەسٸپوداقتارمەن بٸرگە جالاقىنى ارتتىرۋعا بايلانىستى جۇمىس جٷرگٸزۋ قاجەت», – دەدٸ سەرٸك شەپكەنوۆ.
مينيستردٸڭ ايتۋىنا قاراعاندا, بٷگٸنگٸ تاڭدا جالاقى بويىنشا بەرەشەك 901 ملن تەڭگە بولعان.
