Batys Qazaqstan oblysynda mal izdeýge shyǵyp, adasyp ketken turǵyndar qutqaryldy, dep habarlaidy "Ult aqparat".
BQO TJ departamentiniń baspasóz qyzmeti málim etkenindei, oqiǵa 7 qańtar kúni Syrym aýdany Araltóbe aýyldyq okrýginde boldy.
Saǵat 11.00-de 31 jastaǵy eki turǵyn «VAZ-21031» avtokóligimen jylqy izdeýge shyǵyp, adasyp ketken.
Saǵat 18.33-ten bastap TJ departamentiniń 4 qyzmetkeri eki avtokólikpen adasyp ketken turǵyndardy izdestirdi. Sonyń nátijesinde avtokóligi synyp qalǵan eki turǵyn Araltóbe aýylynan 20 shaqyrym jerden saǵat 21.24-te tabyldy.
Araltóbe aýylyna jetkizilgen turǵyndar qutqarýshylarǵa rizashylyǵyn bildirdi.
Qutqarýshylar turǵyndardan aýa raiyna bailanysty sinoptik boljamyn muqiiat qadaǵalap, eskertý jariialanǵan kúnderi eldi mekenderden alysqa ketpeý qajettigin eske salady.
