باتىس قازاقستان وبلىسىندا مال ٸزدەۋگە شىعىپ, اداسىپ كەتكەن تۇرعىندار قۇتقارىلدى, دەپ حابارلايدى "ۇلت اقپارات".
بقو تج دەپارتامەنتٸنٸڭ باسپاسٶز قىزمەتٸ مەلٸم ەتكەنٸندەي, وقيعا 7 قاڭتار كٷنٸ سىرىم اۋدانى ارالتٶبە اۋىلدىق وكرۋگٸندە بولدى.
ساعات 11.00-دە 31 جاستاعى ەكٸ تۇرعىن «ۆاز-21031» اۆتوكٶلٸگٸمەن جىلقى ٸزدەۋگە شىعىپ, اداسىپ كەتكەن.
ساعات 18.33-تەن باستاپ تج دەپارتامەنتٸنٸڭ 4 قىزمەتكەرٸ ەكٸ اۆتوكٶلٸكپەن اداسىپ كەتكەن تۇرعىنداردى ٸزدەستٸردٸ. سونىڭ نەتيجەسٸندە اۆتوكٶلٸگٸ سىنىپ قالعان ەكٸ تۇرعىن ارالتٶبە اۋىلىنان 20 شاقىرىم جەردەن ساعات 21.24-تە تابىلدى.
ارالتٶبە اۋىلىنا جەتكٸزٸلگەن تۇرعىندار قۇتقارۋشىلارعا ريزاشىلىعىن بٸلدٸردٸ.
قۇتقارۋشىلار تۇرعىنداردان اۋا رايىنا بايلانىستى سينوپتيك بولجامىن مۇقييات قاداعالاپ, ەسكەرتۋ جارييالانعان كٷندەرٸ ەلدٸ مەكەندەردەن الىسقا كەتپەۋ قاجەتتٸگٸن ەسكە سالادى.
