Batys Qazaqstan oblysynda bir aptada 665 adam koronavirýs juqtyrdy, dep habarlaidy "Ult aqparat".
BQO densaýlyq saqtaý basqarmasy málim etkenindei, sońǵy táýlikte 87 adamnyń aýyrǵany tirkeldi.
Indet bastalǵannan beri 11058 adam syrqattansa, sonyń 9068-i jazylyp shyqty. 197 adam kóz jumdy.
Qazirgi kezde jasandy tynys alý apparattaryna 9, ottegi kontsentratoryna 12, ortalyqtandyrylǵan ottegi kózine 55 adam qosylǵan.
Juqpaly aýrýlar aýrýhanalarynda 286, karantindik statsionarlarda 32 adam em alýda. 22 adam jansaqtaý bóliminde jatyr.
Qańtarda aýyrǵan balalar sany 131-ge jetti. Qyrkúiek aiynan beri barlyǵy 336 bala koronavirýs juqtyrdy.
Munai ken oryndarynda jumys jasaityn iri kásiporyndardan «Jaiyqmunai» JShS-da qańtar aiynda 21, «QPO b.v.» kompaniiasynda 29 adamnyń aýyrǵany anyqtaldy.
Óńirde barlyǵy 13 zerthanada 49320 zertteýge arnalǵan 986,02 test júiesi bar.
Sońǵy táýlikte 1966, indet bastalǵannan beri 321548 PTR zertteý júrgizildi. Sońǵy aptada (25-31qańtar) Call ortalyqtyń 109 telefonyna 3100 qońyraý shalynsa, sonyń 302-si koronavirýsqa qatysty boldy.
Eske sala keteiik, budan buryn Batys Qazaqstanda koronavirýsqa qarsy ekpe jumystary bastalǵanyn jazǵan bolatynbyz.
