باتىس قازاقستان وبلىسىندا بٸر اپتادا 665 ادام كوروناۆيرۋس جۇقتىردى, دەپ حابارلايدى "ۇلت اقپارات".
بقو دەنساۋلىق ساقتاۋ باسقارماسى مەلٸم ەتكەنٸندەي, سوڭعى تەۋلٸكتە 87 ادامنىڭ اۋىرعانى تٸركەلدٸ.
ٸندەت باستالعاننان بەرٸ 11058 ادام سىرقاتتانسا, سونىڭ 9068-ٸ جازىلىپ شىقتى. 197 ادام كٶز جۇمدى.
قازٸرگٸ كەزدە جاساندى تىنىس الۋ اپپاراتتارىنا 9, وتتەگٸ كونتسەنتراتورىنا 12, ورتالىقتاندىرىلعان وتتەگٸ كٶزٸنە 55 ادام قوسىلعان.
جۇقپالى اۋرۋلار اۋرۋحانالارىندا 286, كارانتيندٸك ستاتسيونارلاردا 32 ادام ەم الۋدا. 22 ادام جانساقتاۋ بٶلٸمٸندە جاتىر.
قاڭتاردا اۋىرعان بالالار سانى 131-گە جەتتٸ. قىركٷيەك ايىنان بەرٸ بارلىعى 336 بالا كوروناۆيرۋس جۇقتىردى.
مۇناي كەن ورىندارىندا جۇمىس جاسايتىن ٸرٸ كەسٸپورىنداردان «جايىقمۇناي» جشس-دا قاڭتار ايىندا 21, «قپو ب.ۆ.» كومپانيياسىندا 29 ادامنىڭ اۋىرعانى انىقتالدى.
ٶڭٸردە بارلىعى 13 زەرتحانادا 49320 زەرتتەۋگە ارنالعان 986,02 تەست جٷيەسٸ بار.
سوڭعى تەۋلٸكتە 1966, ٸندەت باستالعاننان بەرٸ 321548 پتر زەرتتەۋ جٷرگٸزٸلدٸ. سوڭعى اپتادا (25-31قاڭتار) Call ورتالىقتىڭ 109 تەلەفونىنا 3100 قوڭىراۋ شالىنسا, سونىڭ 302-سٸ كوروناۆيرۋسقا قاتىستى بولدى.
ەسكە سالا كەتەيٸك, بۇدان بۇرىن باتىس قازاقستاندا كوروناۆيرۋسقا قارسى ەكپە جۇمىستارى باستالعانىن جازعان بولاتىنبىز.
