Batys Qazaqstan oblysynda 624 adam koronavirýsqa qarsy egilip úlgerdi. Bul týraly oblys ákimi Ǵali Esqalievtiń tóraǵalyq etýimen ótken óńirlik jedel shtab otyrysynda málim etildi, dep habarlaidy "Ult aqparat".
BQO densaýlyq saqtaý basqarmasy basshysynyń mindetin atqarýshy Arman Qalibekovtiń málim etkenindei, Oralda jeti memlekettik qalalyq emhanada men «Meditsina ortalyǵy» JShS-da, sondai-aq 4 aýdandyq aýrýhanada egý jumystaryn aldyn ala daiyndyqtan ótken meditsina qyzmetkerleri júrgizýde.
Qazirgi kezde tizimge jáne kestege sáikes meditsina qyzmetkerleri egilýde.
Ekinshi kezeńde jalpy bilim beretin mektepter, JOO pedagogtary, soǵan deiin egilip úlgermegen meditsina qyzmetkerleri qamtylady.
Úshinshi kezeńde mektep-internattar, mektepke deiingi balalar mekemeleriniń qyzmetkerleri, stýdentter jáne sozylmaly aýrýy bar adamdar egiledi.
Sodan keiin TJ, politsiia, qorǵanys, UQK, memlekettik kúzet qyzmeti sekildi salalar ókilderine kezek keledi.
Vaktsinalaý tegin júrgizilýde.
A.Qalibekov aqyly túrde ekpe alý ázirge qarastyrylmaǵanyn jetkizdi.
Otyrysta sondai-aq BQO sanitarlyq-epidemiologiialyq baqylaý departamentiniń basshysy Muhamǵali Aryspaev óńirde epidemiologiialyq ahýaldyń áli turaqsyz ekendigin, indet juqtyrýdyń jalǵasyp otyrǵanyn atap ótti.
Jiyndy qorytyndylaǵan oblys ákimi Ǵali Esqaliev koronavirýstyń taralýyna tosqaýyl qoiý jumystaryn shirata túsý qajettigin aitty.
«Budan burynǵy otyrysta oblystyq kásipkerlik jáne indýstrialdy-innovatsiialyq damý basqarmasyna shekteý sharalaryna bailanysty toqtap turǵan kafe, meiramhana jáne basqa nysan ielerine qoldaý kórsetý týraly tapsyrma berilgen bolatyn. Iaǵni kásipkerlerge kásibiniń baǵytyn ózgertý nemese nysandy memleketke jalǵa berý, satý jóninde usynys jasalýda. Óitkeni ómir ózgerip jatyr. Bolashaqta úlken shyǵyndy qajet etetin toilar bolmaýy múmkin. Sondyqtan mundai ǵimarattardy, mysaly, sport zaldaryna ainaldyrsa, áldeqaida tiimdi. Osy jumysty qalada ǵana emes, aýdandarda da jalǵastyrý kerek», dedi óńir basshysy.
