باتىس قازاقستان وبلىسىندا 624 ادام كوروناۆيرۋسقا قارسى ەگٸلٸپ ٷلگەردٸ. بۇل تۋرالى وبلىس ەكٸمٸ عالي ەسقاليەۆتٸڭ تٶراعالىق ەتۋٸمەن ٶتكەن ٶڭٸرلٸك جەدەل شتاب وتىرىسىندا مەلٸم ەتٸلدٸ, دەپ حابارلايدى "ۇلت اقپارات".
بقو دەنساۋلىق ساقتاۋ باسقارماسى باسشىسىنىڭ مٸندەتٸن اتقارۋشى ارمان قاليبەكوۆتٸڭ مەلٸم ەتكەنٸندەي, ورالدا جەتٸ مەملەكەتتٸك قالالىق ەمحانادا مەن «مەديتسينا ورتالىعى» جشس-دا, سونداي-اق 4 اۋداندىق اۋرۋحانادا ەگۋ جۇمىستارىن الدىن الا دايىندىقتان ٶتكەن مەديتسينا قىزمەتكەرلەرٸ جٷرگٸزۋدە.
قازٸرگٸ كەزدە تٸزٸمگە جەنە كەستەگە سەيكەس مەديتسينا قىزمەتكەرلەرٸ ەگٸلۋدە.
ەكٸنشٸ كەزەڭدە جالپى بٸلٸم بەرەتٸن مەكتەپتەر, جوو پەداگوگتارى, سوعان دەيٸن ەگٸلٸپ ٷلگەرمەگەن مەديتسينا قىزمەتكەرلەرٸ قامتىلادى.
ٷشٸنشٸ كەزەڭدە مەكتەپ-ينتەرناتتار, مەكتەپكە دەيٸنگٸ بالالار مەكەمەلەرٸنٸڭ قىزمەتكەرلەرٸ, ستۋدەنتتەر جەنە سوزىلمالى اۋرۋى بار ادامدار ەگٸلەدٸ.
سودان كەيٸن تج, پوليتسييا, قورعانىس, ۇقك, مەملەكەتتٸك كٷزەت قىزمەتٸ سەكٸلدٸ سالالار ٶكٸلدەرٸنە كەزەك كەلەدٸ.
ۆاكتسينالاۋ تەگٸن جٷرگٸزٸلۋدە.
ا.قاليبەكوۆ اقىلى تٷردە ەكپە الۋ ەزٸرگە قاراستىرىلماعانىن جەتكٸزدٸ.
وتىرىستا سونداي-اق بقو سانيتارلىق-ەپيدەميولوگييالىق باقىلاۋ دەپارتامەنتٸنٸڭ باسشىسى مۇحامعالي ارىسپاەۆ ٶڭٸردە ەپيدەميولوگييالىق احۋالدىڭ ەلٸ تۇراقسىز ەكەندٸگٸن, ٸندەت جۇقتىرۋدىڭ جالعاسىپ وتىرعانىن اتاپ ٶتتٸ.
جيىندى قورىتىندىلاعان وبلىس ەكٸمٸ عالي ەسقاليەۆ كوروناۆيرۋستىڭ تارالۋىنا توسقاۋىل قويۋ جۇمىستارىن شيراتا تٷسۋ قاجەتتٸگٸن ايتتى.
«بۇدان بۇرىنعى وتىرىستا وبلىستىق كەسٸپكەرلٸك جەنە يندۋستريالدى-يننوۆاتسييالىق دامۋ باسقارماسىنا شەكتەۋ شارالارىنا بايلانىستى توقتاپ تۇرعان كافە, مەيرامحانا جەنە باسقا نىسان يەلەرٸنە قولداۋ كٶرسەتۋ تۋرالى تاپسىرما بەرٸلگەن بولاتىن. ياعني كەسٸپكەرلەرگە كەسٸبٸنٸڭ باعىتىن ٶزگەرتۋ نەمەسە نىساندى مەملەكەتكە جالعا بەرۋ, ساتۋ جٶنٸندە ۇسىنىس جاسالۋدا. ٶيتكەنٸ ٶمٸر ٶزگەرٸپ جاتىر. بولاشاقتا ٷلكەن شىعىندى قاجەت ەتەتٸن تويلار بولماۋى مٷمكٸن. سوندىقتان مۇنداي عيماراتتاردى, مىسالى, سپورت زالدارىنا اينالدىرسا, ەلدەقايدا تيٸمدٸ. وسى جۇمىستى قالادا عانا ەمەس, اۋدانداردا دا جالعاستىرۋ كەرەك», دەدٸ ٶڭٸر باسشىسى.
