Batys Qazaqstan oblysynda 1 myń adam koronavirýsqa qarsy egildi, dep habarlaidy "Ult aqparat".
BQO densaýlyq saqtaý basqarmasy málim etkendei, 1 aqpannan bastap meditsina, sondai-aq sanitarlyq-epidemiologiialyq sala qyzmetkerleri ekpe aldy.
Aidyń basynda oblysqa 1 myń doza vaktsina ákelinse, sol ekpe tolyqtai igerildi.
Qazirgi tańda egilgen adamdardy ekinshi qaitara egýge arnalǵan vaktsina keledi dep kútilýde.
Ekpe alǵan meditsina qyzmetkerleriniń sózine qaraǵanda, erekshe ózgerister baiqalmaǵan.
Tek úsh kún boiy deneniń álsizdenýi, azdap qyzýdyń kóterilýi, tamaqtyń qyshýy, egilgen jerdiń isinýi sezilgen.
Aqpan aiynyń basynan beri Qazaqstanda Reseide óndirilgen «Spýtnik V» vaktsinasy qoldanylyp jatqany belgili.
Aidyń ortasynan bastap Qaraǵandy farmatsevtikalyq kesheninde óndirilgen osy vaktsinany, al ekinshi toqsannan kúni búgin synnan ótip jatqan otandyq QazCovid-In-di engizý kózdelýde.
«Spýtnik V» vaktsinasy eki bólikten turady. Ekinshi ekpe 21 kúnnen keiin salynady.
