باتىس قازاقستان وبلىسىندا 1 مىڭ ادام كوروناۆيرۋسقا قارسى ەگٸلدٸ, دەپ حابارلايدى "ۇلت اقپارات".
بقو دەنساۋلىق ساقتاۋ باسقارماسى مەلٸم ەتكەندەي, 1 اقپاننان باستاپ مەديتسينا, سونداي-اق سانيتارلىق-ەپيدەميولوگييالىق سالا قىزمەتكەرلەرٸ ەكپە الدى.
ايدىڭ باسىندا وبلىسقا 1 مىڭ دوزا ۆاكتسينا ەكەلٸنسە, سول ەكپە تولىقتاي يگەرٸلدٸ.
قازٸرگٸ تاڭدا ەگٸلگەن ادامداردى ەكٸنشٸ قايتارا ەگۋگە ارنالعان ۆاكتسينا كەلەدٸ دەپ كٷتٸلۋدە.
ەكپە العان مەديتسينا قىزمەتكەرلەرٸنٸڭ سٶزٸنە قاراعاندا, ەرەكشە ٶزگەرٸستەر بايقالماعان.
تەك ٷش كٷن بويى دەنەنٸڭ ەلسٸزدەنۋٸ, ازداپ قىزۋدىڭ كٶتەرٸلۋٸ, تاماقتىڭ قىشۋى, ەگٸلگەن جەردٸڭ ٸسٸنۋٸ سەزٸلگەن.
اقپان ايىنىڭ باسىنان بەرٸ قازاقستاندا رەسەيدە ٶندٸرٸلگەن «سپۋتنيك V» ۆاكتسيناسى قولدانىلىپ جاتقانى بەلگٸلٸ.
ايدىڭ ورتاسىنان باستاپ قاراعاندى فارماتسەۆتيكالىق كەشەنٸندە ٶندٸرٸلگەن وسى ۆاكتسينانى, ال ەكٸنشٸ توقساننان كٷنٸ بٷگٸن سىننان ٶتٸپ جاتقان وتاندىق QazCovid-In-دٸ ەنگٸزۋ كٶزدەلۋدە.
«سپۋتنيك V» ۆاكتسيناسى ەكٸ بٶلٸكتەن تۇرادى. ەكٸنشٸ ەكپە 21 كٷننەن كەيٸن سالىنادى.
