Foto: stan.kz
9 sáýirde Parlament Májilisiniń jalpy otyrysynda Salyq kodeksi boiynsha alǵashqy oqylym ótti. Onda depýtat Ashat Aimaǵambetov baspa isi, teatrlar men kitaphanalar, murajailar men qolóner salasyn salyqtan bosatý kerektigine qatysty aitty, dep habarlaidy Ult.kz.
Kitaptar men baspany qoldaýymyz kerek degen Májilis depýtatynyń pikirinshe eger QQS-ty tómendetpesek, kitaptar odan saiyn qymbattaidy, al balalar tek YouTube pen TikTok kóredi.
"Frantsiia, Japoniia siiaqty elderde kitapqa múlde QQS salynbaidy nemese úlken jeńildikter bar. Buryn soǵys kezinde adamdar ot ishinen kitapty alyp shyǵatyn. Al biz qazir sol kitapqa salyq salyp otyrmyz. Sondyqtan kitap pen balalarǵa arnalǵan baspa ónimderinen QQS-ty alyp tastaiyq. ", - deidi ol.
Sonymen qatar depýtat teatrlar, kitaphanalar, murajailar men qolóner — biznes emes bul mekemelerdi korporativtik tabys salyǵynan bosatý qajet dep esepteitinin jetkizdi.
Aita keteiik, Qazaqstan Respýblikasynyń Salyq kodeksi birinshi oqylymda maquldandy.
