فوتو: stan.kz
9 سەۋٸردە پارلامەنت مەجٸلٸسٸنٸڭ جالپى وتىرىسىندا سالىق كودەكسٸ بويىنشا العاشقى وقىلىم ٶتتٸ. وندا دەپۋتات اسحات ايماعامبەتوۆ باسپا ٸسٸ, تەاترلار مەن كٸتاپحانالار, مۇراجايلار مەن قولٶنەر سالاسىن سالىقتان بوساتۋ كەرەكتٸگٸنە قاتىستى ايتتى, دەپ حابارلايدى Ult.kz.
كٸتاپتار مەن باسپانى قولداۋىمىز كەرەك دەگەن مەجٸلٸس دەپۋتاتىنىڭ پٸكٸرٸنشە ەگەر ققس-تى تٶمەندەتپەسەك, كٸتاپتار ودان سايىن قىمباتتايدى, ال بالالار تەك YouTube پەن TikTok كٶرەدٸ.
"فرانتسييا, جاپونييا سيياقتى ەلدەردە كٸتاپقا مٷلدە ققس سالىنبايدى نەمەسە ٷلكەن جەڭٸلدٸكتەر بار. بۇرىن سوعىس كەزٸندە ادامدار وت ٸشٸنەن كٸتاپتى الىپ شىعاتىن. ال بٸز قازٸر سول كٸتاپقا سالىق سالىپ وتىرمىز. سوندىقتان كٸتاپ پەن بالالارعا ارنالعان باسپا ٶنٸمدەرٸنەن ققس-تى الىپ تاستايىق. ", - دەيدٸ ول.
سونىمەن قاتار دەپۋتات تەاترلار, كٸتاپحانالار, مۇراجايلار مەن قولٶنەر — بيزنەس ەمەس بۇل مەكەمەلەردٸ كورپوراتيۆتٸك تابىس سالىعىنان بوساتۋ قاجەت دەپ ەسەپتەيتٸنٸن جەتكٸزدٸ.
ايتا كەتەيٸك, قازاقستان رەسپۋبليكاسىنىڭ سالىق كودەكسٸ بٸرٸنشٸ وقىلىمدا ماقۇلداندى.
