Memleket basshysynyń 5 qańtardaǵy tapsyrmasy boiynsha Básekelestikti qorǵaý jáne damytý agenttigi 193 bólshek avtomobilge gaz quiý stantsiiasyna qatysty tergep-tekserý júrgizip jatyr, onyń 89-y Bas prokýratýramen birlesip júrgiziledi. Bul týraly atalǵan vedomostvonyń resmi saitynda habarlandy.
Bas prokýratýranyń tekserýi sheńberinde Agenttik 44 naryq sýbektisiniń áreketterinde kelisilgen áreket jáne karteldik sóz bailasýdy uiymdastyrý faktilerin anyqtaǵan.
"Sondai-aq qazirgi kezde prokýratýra organdarynyń usynystary negizinde Aqmola, Qyzylorda jáne Qostanai oblystary men Shymkent qalasy boiynsha aýmaqtyq monopoliiaǵa qarsy departamentter 32 naryq sýbektisine qatysty ákimshilik ister qozǵady, materialdar sotqa jiberildi.
Soltústik Qazaqstan oblysy men Nur-Sultan boiynsha aýmaqtyq monopoliiaǵa qarsy departamentter 7 naryq sýbektisi boiynsha materialdardy qylmystyq quqyq buzýshylyq belgilerin qaraý úshin Ekonomikalyq tergeý departamentine jiberdi.
Atyraý oblysynda 2 naryq sýbektisi boiynsha taiaý arada ákimshilik ister qozǵalatyn bolady", - delingen habarlamada.
Sonymen qatar prokýratýra organdarynan qadaǵalaý aktileri kelip túsken jaǵdaida basqa tergep-tekserýler boiynsha ákimshilik ister qozǵalady.
Qalǵan naryq sýbektileri boiynsha básekelestikti qorǵaý salasyndaǵy zańnamany buzýshylyq belgilerin anyqtaý boiynsha jumys jalǵasyp jatyr.
