مەملەكەت باسشىسىنىڭ 5 قاڭتارداعى تاپسىرماسى بويىنشا بەسەكەلەستٸكتٸ قورعاۋ جەنە دامىتۋ اگەنتتٸگٸ 193 بٶلشەك اۆتوموبيلگە گاز قۇيۋ ستانتسيياسىنا قاتىستى تەرگەپ-تەكسەرۋ جٷرگٸزٸپ جاتىر, ونىڭ 89-ى باس پروكۋراتۋرامەن بٸرلەسٸپ جٷرگٸزٸلەدٸ. بۇل تۋرالى اتالعان ۆەدوموستۆونىڭ رەسمي سايتىندا حابارلاندى.
باس پروكۋراتۋرانىڭ تەكسەرۋٸ شەڭبەرٸندە اگەنتتٸك 44 نارىق سۋبەكتٸسٸنٸڭ ەرەكەتتەرٸندە كەلٸسٸلگەن ەرەكەت جەنە كارتەلدٸك سٶز بايلاسۋدى ۇيىمداستىرۋ فاكتٸلەرٸن انىقتاعان.
"سونداي-اق قازٸرگٸ كەزدە پروكۋراتۋرا ورگاندارىنىڭ ۇسىنىستارى نەگٸزٸندە اقمولا, قىزىلوردا جەنە قوستاناي وبلىستارى مەن شىمكەنت قالاسى بويىنشا اۋماقتىق مونوپوليياعا قارسى دەپارتامەنتتەر 32 نارىق سۋبەكتٸسٸنە قاتىستى ەكٸمشٸلٸك ٸستەر قوزعادى, ماتەريالدار سوتقا جٸبەرٸلدٸ.
سولتٷستٸك قازاقستان وبلىسى مەن نۇر-سۇلتان بويىنشا اۋماقتىق مونوپوليياعا قارسى دەپارتامەنتتەر 7 نارىق سۋبەكتٸسٸ بويىنشا ماتەريالداردى قىلمىستىق قۇقىق بۇزۋشىلىق بەلگٸلەرٸن قاراۋ ٷشٸن ەكونوميكالىق تەرگەۋ دەپارتامەنتٸنە جٸبەردٸ.
اتىراۋ وبلىسىندا 2 نارىق سۋبەكتٸسٸ بويىنشا تاياۋ ارادا ەكٸمشٸلٸك ٸستەر قوزعالاتىن بولادى", - دەلٸنگەن حابارلامادا.
سونىمەن قاتار پروكۋراتۋرا ورگاندارىنان قاداعالاۋ اكتٸلەرٸ كەلٸپ تٷسكەن جاعدايدا باسقا تەرگەپ-تەكسەرۋلەر بويىنشا ەكٸمشٸلٸك ٸستەر قوزعالادى.
قالعان نارىق سۋبەكتٸلەرٸ بويىنشا بەسەكەلەستٸكتٸ قورعاۋ سالاسىنداعى زاڭنامانى بۇزۋشىلىق بەلگٸلەرٸن انىقتاۋ بويىنشا جۇمىس جالعاسىپ جاتىر.
