11-12 shilde kúnderi «Qazanat» ippodromynda qymyzǵa arnalǵan «BaiQymyz-2026» halyqaralyq gastrofestivali ótedi. Oǵan Qazaqstannyń barlyq óńirinen, sondai-aq Qyrǵyzstan men Reseidiń Saha Respýblikasynan 60-qa jýyq qymyz óndirýshi keledi, dep habarlaidy ult.kz.
Is-sharanyń basty ereksheligi – jalpy júlde qory 45 million teńgeni quraityn halyqaralyq deńgeidegi «Eń úzdik qymyz» baiqaýy ótkiziledi. Jeńimpazdar «BaiQymyz-2026», «Em qymyz» jáne «Halyq tańdaýy» atalymdary boiynsha anyqtalady. Bas júlde iegerine avtokólik tabystalady.
Festival baǵdarlamasynda kókpar, aýdaryspaq, qyz qýý, báige, tazylar jarysy, shógen jáne basqa da ulttyq ári zamanaýi sport túrlerinen jarystar, qazaqstandyq óner juldyzdarynyń kontserti ótedi.
Sondai-aq festival aiasynda qymyzdyń túrlerinen dám tatý, ulttyq jylqy tuqymdarynyń kórmesi, qolóner sheberleriniń jármeńkesi, sýretshiler týyndylarynyń kórmesi men aýktsiony uiymdastyrylady.
