Premer-ministrdiń orynbasary - Qarjy ministri Erulan Jamaýbaev Úkimet músheleriniń jalaqysyn jariialady, dep habarlaidy Sputnik Qazaqstan.
Senat otyrysynan keiingi brifingte jýrnalister joǵary laýazymdy sheneýnikterdiń jalaqysy týraly surady. Ministrdiń aitýynsha, ministrlerdiń ailyǵy eńbek ótili men biliktiligine qarai tólenedi.
"Osy parametrlerdi eskere otyryp, eń tómengi jalaqy 500-600 myń teńge quraidy, al eń joǵary ailyq – 1,5-1,7 million teńge. Mysaly, men aiyna 1,5 million teńge alamyn", - dedi Jamaýbaev.
Tilshiler Premer-ministr Álihan Smaiylovtyń jalaqysyn da surap kórdi. Biraq ministr ony aitýdan bas tartty.
"Onyń baspasóz qyzmetinen surasańyz bolady. Álihan Ashanuly ruqsat berse, aita alamyn", – dep atap kórsetti vitse-premer.
Jamaýbaev Prezidenttiń ailyǵyn da jariialamady.
