پرەمەر-مينيستردٸڭ ورىنباسارى - قارجى مينيسترٸ ەرۇلان جاماۋباەۆ ٷكٸمەت مٷشەلەرٸنٸڭ جالاقىسىن جارييالادى, دەپ حابارلايدى Sputnik قازاقستان.
سەنات وتىرىسىنان كەيٸنگٸ بريفينگتە جۋرناليستەر جوعارى لاۋازىمدى شەنەۋنٸكتەردٸڭ جالاقىسى تۋرالى سۇرادى. مينيستردٸڭ ايتۋىنشا, مينيسترلەردٸڭ ايلىعى ەڭبەك ٶتٸلٸ مەن بٸلٸكتٸلٸگٸنە قاراي تٶلەنەدٸ.
"وسى پارامەترلەردٸ ەسكەرە وتىرىپ, ەڭ تٶمەنگٸ جالاقى 500-600 مىڭ تەڭگە قۇرايدى, ال ەڭ جوعارى ايلىق – 1,5-1,7 ميلليون تەڭگە. مىسالى, مەن ايىنا 1,5 ميلليون تەڭگە الامىن", - دەدٸ جاماۋباەۆ.
تٸلشٸلەر پرەمەر-مينيستر ەليحان سمايىلوۆتىڭ جالاقىسىن دا سۇراپ كٶردٸ. بٸراق مينيستر ونى ايتۋدان باس تارتتى.
"ونىڭ باسپاسٶز قىزمەتٸنەن سۇراساڭىز بولادى. ەليحان اسحانۇلى رۇقسات بەرسە, ايتا الامىن", – دەپ اتاپ كٶرسەتتٸ ۆيتسە-پرەمەر.
جاماۋباەۆ پرەزيدەنتتٸڭ ايلىعىن دا جارييالامادى.
