Bankter 4 paiyzdyq avtonesie ótinimin alatyn kóliktiń VIN-kody boiynsha ǵana qabyldaidy. Mundai málimetti «Ónerkásipti damytý qory» aktsionerlik qoǵamynyń ókilderi arnaiy brifingide aitty, dep habarlaidy QazAqparat.
«Bul avtonesieniń taǵy bir nazar aýdarýǵa turarlyq mán-jaiy bar. Baǵdarlama sharty boiynsha dillerler esepshotty daiyn avtokólikterge ǵana beredi. Iaǵni, esepshotta avtokóliktiń VIN-kody men quny kórsetiledi. Sodan keiin bankter osy berilgen esepshot boiynsha ózderiniń turaqty kepilderin berip, iske asyra beredi», - dedi «Ónerkásipti damytý qory» aktsionerlik qoǵamynyń basqarma basshysy Ǵalymjan Ádi.
Qordyń basqarma tóraǵasynyń orynbasary Rinat Gapparovtyń aitýynsha, bul áli óndirilmegen kólikke kezek qalyptaspaýy úshin qajet.
«Bankter ótinimderdi esep aiyrysý shotynda VIN-kod kórsetilgen jaǵdaida ǵana qabyldaidy. Iaǵni, bankter avtosalonda bar kólikterge ǵana ótinim qabyldaidy degen sóz. Bul uzynsonar kezektiń uzaq merzimge sozylyp ketpeýi úshin jasalyp otyr. Nesie alýǵa úmitker adam avtomobildi tańdamai turyp nesie rásimdei almaidy. Bul óte mańyzdy másele», - dedi ol.
