بانكتەر 4 پايىزدىق اۆتونەسيە ٶتٸنٸمٸن الاتىن كٶلٸكتٸڭ VIN-كودى بويىنشا عانا قابىلدايدى. مۇنداي مەلٸمەتتٸ «ٶنەركەسٸپتٸ دامىتۋ قورى» اكتسيونەرلٸك قوعامىنىڭ ٶكٸلدەرٸ ارنايى بريفينگٸدە ايتتى, دەپ حابارلايدى قازاقپارات.
«بۇل اۆتونەسيەنٸڭ تاعى بٸر نازار اۋدارۋعا تۇرارلىق مەن-جايى بار. باعدارلاما شارتى بويىنشا ديللەرلەر ەسەپشوتتى دايىن اۆتوكٶلٸكتەرگە عانا بەرەدٸ. ياعني, ەسەپشوتتا اۆتوكٶلٸكتٸڭ VIN-كودى مەن قۇنى كٶرسەتٸلەدٸ. سودان كەيٸن بانكتەر وسى بەرٸلگەن ەسەپشوت بويىنشا ٶزدەرٸنٸڭ تۇراقتى كەپٸلدەرٸن بەرٸپ, ٸسكە اسىرا بەرەدٸ», - دەدٸ «ٶنەركەسٸپتٸ دامىتۋ قورى» اكتسيونەرلٸك قوعامىنىڭ باسقارما باسشىسى عالىمجان ەدي.
قوردىڭ باسقارما تٶراعاسىنىڭ ورىنباسارى رينات گاپپاروۆتىڭ ايتۋىنشا, بۇل ەلٸ ٶندٸرٸلمەگەن كٶلٸككە كەزەك قالىپتاسپاۋى ٷشٸن قاجەت.
«بانكتەر ٶتٸنٸمدەردٸ ەسەپ ايىرىسۋ شوتىندا VIN-كود كٶرسەتٸلگەن جاعدايدا عانا قابىلدايدى. ياعني, بانكتەر اۆتوسالوندا بار كٶلٸكتەرگە عانا ٶتٸنٸم قابىلدايدى دەگەن سٶز. بۇل ۇزىنسونار كەزەكتٸڭ ۇزاق مەرزٸمگە سوزىلىپ كەتپەۋٸ ٷشٸن جاسالىپ وتىر. نەسيە الۋعا ٷمٸتكەر ادام اۆتوموبيلدٸ تاڭداماي تۇرىپ نەسيە رەسٸمدەي المايدى. بۇل ٶتە ماڭىزدى مەسەلە», - دەدٸ ول.
