Foto: videodan kadr
Qazaqstan Bas prokýratýrasy asa iri kólemde alaiaqtyq jasaǵany úshin qylmystyq jaýapkershilikke tartý maqsatynda Qazaqstan azamatyn Resei Federatsiiasynan ekstraditsiialady, dep habarlaidy «Ult aqparat».
2019-2022 jyldar aralyǵynda kúdikti Taraz qalasyndaǵy bank filialynyń qyzmetkeri bola otyryp, bank klientteriniń atynan olarǵa nesie rásimdegen. Ári qarai bank klientteriniń shottaryna qol jetkizgen kúdikti nesie qarajatyn dostarynyń esepshotyna aýdaryp, keiin ony qolma-qol aqshaǵa ainaldyrǵan. Qylmystyq áreketter nátijesinde bank klientterine 60 mln teńge kóleminde zalal keltirilgen. Qylmys jasaǵannan keiin ol jasyrynyp, soǵan bailanysty halyqaralyq izdeý jariialanǵan.
Osy jyldyń sáýir aiynda figýrant Krasnodar ólkesiniń aýmaǵynda ustaldy. Sodan keiin ol Qazaqstan Respýblikasy Bas prokýratýrasynyń suraýy boiynsha Qazaqstanǵa ekstraditsiialandy.
Qazirgi ýaqytta kúdikti ýaqytsha ustaý izoliatoryna qamaldy. Aiyptalǵan qylmysty jasaǵany úshin múlki tárkilenip, bes jyldan on jylǵa deiingi merzimge bas bostandyǵynan aiyrý jazasy qarastyrylǵan.
Aita keteiik, osy jyly qylmystyq áreketteri 350-den astam jábirlenýshige jalpy somasy 7 milliard teńgege jýyq shyǵyn keltirgen alaiaqtyq jasaǵany úshin izdeýde júrgen 11 adam Reseiden Qazaqstanǵa ekstraditsiialandy.
Buǵan deiin QMA jáne IIM qylmystyq esirtki tabysyn zańdastyrýǵa qarsy birlesip jumys istep jatqanyn jazǵan edik.
