فوتو: ۆيدەودان كادر
قازاقستان باس پروكۋراتۋراسى اسا ٸرٸ كٶلەمدە الاياقتىق جاساعانى ٷشٸن قىلمىستىق جاۋاپكەرشٸلٸككە تارتۋ ماقساتىندا قازاقستان ازاماتىن رەسەي فەدەراتسيياسىنان ەكستراديتسييالادى, دەپ حابارلايدى «ۇلت اقپارات».
2019-2022 جىلدار ارالىعىندا كٷدٸكتٸ تاراز قالاسىنداعى بانك فيليالىنىڭ قىزمەتكەرٸ بولا وتىرىپ, بانك كليەنتتەرٸنٸڭ اتىنان ولارعا نەسيە رەسٸمدەگەن. ەرٸ قاراي بانك كليەنتتەرٸنٸڭ شوتتارىنا قول جەتكٸزگەن كٷدٸكتٸ نەسيە قاراجاتىن دوستارىنىڭ ەسەپشوتىنا اۋدارىپ, كەيٸن ونى قولما-قول اقشاعا اينالدىرعان. قىلمىستىق ەرەكەتتەر نەتيجەسٸندە بانك كليەنتتەرٸنە 60 ملن تەڭگە كٶلەمٸندە زالال كەلتٸرٸلگەن. قىلمىس جاساعاننان كەيٸن ول جاسىرىنىپ, سوعان بايلانىستى حالىقارالىق ٸزدەۋ جارييالانعان.
وسى جىلدىڭ سەۋٸر ايىندا فيگۋرانت كراسنودار ٶلكەسٸنٸڭ اۋماعىندا ۇستالدى. سودان كەيٸن ول قازاقستان رەسپۋبليكاسى باس پروكۋراتۋراسىنىڭ سۇراۋى بويىنشا قازاقستانعا ەكستراديتسييالاندى.
قازٸرگٸ ۋاقىتتا كٷدٸكتٸ ۋاقىتشا ۇستاۋ يزولياتورىنا قامالدى. ايىپتالعان قىلمىستى جاساعانى ٷشٸن مٷلكٸ تەركٸلەنٸپ, بەس جىلدان ون جىلعا دەيٸنگٸ مەرزٸمگە باس بوستاندىعىنان ايىرۋ جازاسى قاراستىرىلعان.
ايتا كەتەيٸك, وسى جىلى قىلمىستىق ەرەكەتتەرٸ 350-دەن استام جەبٸرلەنۋشٸگە جالپى سوماسى 7 ميلليارد تەڭگەگە جۋىق شىعىن كەلتٸرگەن الاياقتىق جاساعانى ٷشٸن ٸزدەۋدە جٷرگەن 11 ادام رەسەيدەن قازاقستانعا ەكستراديتسييالاندى.
بۇعان دەيٸن قما جەنە ٸٸم قىلمىستىق ەسٸرتكٸ تابىسىن زاڭداستىرۋعا قارسى بٸرلەسٸپ جۇمىس ٸستەپ جاتقانىن جازعان ەدٸك.
