Munai men valiýta naryǵyndaǵy ózgerister - ýaqytsha qubylys. «Qarjy politsiiasy organdary ardagerleriniń uiymy» qoǵamdyq birlestiginiń tóraiymy Baljan Seiilova osyndai pikir bildirdi, dep habarlaidy QazAqparat.
«Bul jaǵdai tek bizdiń elde ǵana emes, iaǵni barsha álemde oryn alyp otyrǵan daǵdarys. Koronavirýs, munai baǵasynyń quldyraýyna biz sebepshi emespiz ǵoi. Bul óz kezeginde munai boiynsha álemdik saiasatta týyndaǵan kelispeýshiliktiń saldary. Meniń oiymsha, dollarǵa shaqqandaǵy teńge baǵamynyń ózgerýi - ýaqytsha qubylys, aldaǵy ýaqytta barlyǵy laiyqty deńgeiinde turaqtaidy», - dedi birlestik tóraiymy.
Onyń paiymynsha, QR Úkimet tarapynan qabyldanyp jatqan sharalar óziniń ońtaily nátijesin kórsetetin bolady.
«Sondyqtan dúrbeleń jasaýdyń reti joq dep oilaimyn. Negizi, munaidyń quny birde kóteriledi nemese kei jaǵdaida tómendeitini naryqtyq úrdis. Sáikesinshe, álemdik ekonomikadaǵy ózgerister barsha eldi sharpyǵanyn kórip otyrmyz. Osy oraida bul jaǵdai bizge de áser etti. Osynyń saldary uzaqqa sozylmaidy dep sanaimyn. Jalpy, Úkimettiń barlyq mindemettemelerin oryndaityny mańyzdy», - dedi Baljan Seiilova.
