مۇناي مەن ۆاليۋتا نارىعىنداعى ٶزگەرٸستەر - ۋاقىتشا قۇبىلىس. «قارجى پوليتسيياسى ورگاندارى ارداگەرلەرٸنٸڭ ۇيىمى» قوعامدىق بٸرلەستٸگٸنٸڭ تٶرايىمى بالجان سەيٸلوۆا وسىنداي پٸكٸر بٸلدٸردٸ, دەپ حابارلايدى قازاقپارات.
«بۇل جاعداي تەك بٸزدٸڭ ەلدە عانا ەمەس, ياعني بارشا ەلەمدە ورىن الىپ وتىرعان داعدارىس. كوروناۆيرۋس, مۇناي باعاسىنىڭ قۇلدىراۋىنا بٸز سەبەپشٸ ەمەسپٸز عوي. بۇل ٶز كەزەگٸندە مۇناي بويىنشا ەلەمدٸك ساياساتتا تۋىنداعان كەلٸسپەۋشٸلٸكتٸڭ سالدارى. مەنٸڭ ويىمشا, دوللارعا شاققانداعى تەڭگە باعامىنىڭ ٶزگەرۋٸ - ۋاقىتشا قۇبىلىس, الداعى ۋاقىتتا بارلىعى لايىقتى دەڭگەيٸندە تۇراقتايدى», - دەدٸ بٸرلەستٸك تٶرايىمى.
ونىڭ پايىمىنشا, قر ٷكٸمەت تاراپىنان قابىلدانىپ جاتقان شارالار ٶزٸنٸڭ وڭتايلى نەتيجەسٸن كٶرسەتەتٸن بولادى.
«سوندىقتان دٷربەلەڭ جاساۋدىڭ رەتٸ جوق دەپ ويلايمىن. نەگٸزٸ, مۇنايدىڭ قۇنى بٸردە كٶتەرٸلەدٸ نەمەسە كەي جاعدايدا تٶمەندەيتٸنٸ نارىقتىق ٷردٸس. سەيكەسٸنشە, ەلەمدٸك ەكونوميكاداعى ٶزگەرٸستەر بارشا ەلدٸ شارپىعانىن كٶرٸپ وتىرمىز. وسى ورايدا بۇل جاعداي بٸزگە دە ەسەر ەتتٸ. وسىنىڭ سالدارى ۇزاققا سوزىلمايدى دەپ سانايمىن. جالپى, ٷكٸمەتتٸڭ بارلىق مٸندەمەتتەمەلەرٸن ورىندايتىنى ماڭىزدى», - دەدٸ بالجان سەيٸلوۆا.
