Balqashtyń ortalyq saiabaǵynda «Qazaqmys» korporatsiiasynyń bastamasymen 2,5 myń aǵash otyrǵyzylyp, jańa jasyl aimaq qurylyp jatyr, dep habarlaidy Ult.kz.
Kógaldandyrý jumystary «Taza Qazaqstan» respýblikalyq ekologiialyq aktsiiasy aiasynda uiymdastyryldy. Joba boiynsha ortalyq saiabaq aýmaǵyna 500 qaraǵash jáne 2 myń piramidaly terek otyrǵyzý josparlanǵan.
Is-sharaǵa «Qazaqmys» korporatsiiasynyń Basqarma tóraǵasy Rýslan Óskenáli men Balqash qalasynyń ákimi Saian Muratuly qatysty.
Jumystar biiktigi shamamen 2,5 metr bolatyn iri kóshetterdi otyrǵyzý arqyly júrgizilip jatyr. Aǵashtar topyraq túiirshigimen qazyp alynyp, arnaiy daiyndalǵan oryndarǵa otyrǵyzylady.
Joba aiasynda aǵash otyrǵyzylatyn aýmaq aldyn ala daiyndalyp, tamshylatyp sýarý júiesi ornatylýda. Alǵashqy sýarý jumystary da júrgizildi.
Jobany iske asyrýǵa jalpy 57,5 mln teńge baǵyttalǵan. Qarajat aýmaqty daiyndaýǵa, kóshetterdi jetkizý men otyrǵyzýǵa, sýarý júiesin ornatýǵa jáne basqa da qajetti jumystarǵa jumsalady.
Barlyq otyrǵyzý jumystaryn qazan aiynyń sońyna deiin aiaqtaý josparlanyp otyr.
Jańa jasyl aimaq ortalyq saiabaqtyń bir bóligine ainalyp, ony odan ári abattandyrýǵa múmkindik beredi. Joba qalalyq ortanyń jailylyǵyn arttyryp, Balqash turǵyndarynyń demalysyna qolaily jaǵdai jasaýǵa baǵyttalǵan.
«Qazaqmys» korporatsiiasy qatysatyn óńirlerde ekologiialyq jáne áleýmettik jobalardy júzege asyrýdy jalǵastyryp, qoǵamdyq keńistikterdi abattandyrý men qalalyq infraqurylymdy damytýǵa basymdyq berip keledi.
