Foto: Turar Qazanǵapov, Tengrinews.kz
Balqash turǵyndary Ulytaý oblysyna qosylǵysy kelmeidi. Olar Qaraǵandy oblysynda qalǵysy keledi. Turǵyndar osyǵan bailanysty arnaiy petitsiia jinaǵan, - dep habarlaidy Tengrinews.kz tilshisi KTK telearnasyna silteme jasap.
"Jezqazǵan qalasy Qaraǵandy qalasynan eki ese alys ornalasqan. Balqash qalasynyń turǵyndary - densaýlyǵy nashar jasy egde adamdar. Olar Balqashtan Jezqazǵanǵa deiingi joldy kótere almaidy", - deidi turǵyndardyń biri.
Balqash turǵyndary uzaq ýaqyt boiy Qaraǵandyǵa aparatyn tasjoldyń qurylysy aiaqtalýyn kútip otyr: ol kezde oblys ortalyǵyna deiingi jolǵa shamamen eki saǵat ketedi. Sonymen qatar, belsendilerdiń aitýynsha, jergilikti bilik neǵurlym jaqyn bolsa, baqylaý soǵurlym jaqsy bolady. Petitsiiaǵa 10 myńǵa jýyq adam qol qoiǵan. Balqash Qaraǵandy oblysymen biriktirilmegenge deiin Jezqazǵan oblysyna kirgen bolatyn. Ótken aptada Memleket basshysy Ulytaý oblysynyń qurylatyny týraly jariialady. Jergilikti bilik petitsiia týraly biledi, sondai-aq, ony áli belgilenbegen shekarany anyqtaityn adamdarǵa jetkizýge ýáde berdi.
