فوتو: تۇرار قازانعاپوۆ, Tengrinews.kz
بالقاش تۇرعىندارى ۇلىتاۋ وبلىسىنا قوسىلعىسى كەلمەيدٸ. ولار قاراعاندى وبلىسىندا قالعىسى كەلەدٸ. تۇرعىندار وسىعان بايلانىستى ارنايى پەتيتسييا جيناعان, - دەپ حابارلايدى Tengrinews.kz تٸلشٸسٸ كتك تەلەارناسىنا سٸلتەمە جاساپ.
"جەزقازعان قالاسى قاراعاندى قالاسىنان ەكٸ ەسە الىس ورنالاسقان. بالقاش قالاسىنىڭ تۇرعىندارى - دەنساۋلىعى ناشار جاسى ەگدە ادامدار. ولار بالقاشتان جەزقازعانعا دەيٸنگٸ جولدى كٶتەرە المايدى", - دەيدٸ تۇرعىنداردىڭ بٸرٸ.
بالقاش تۇرعىندارى ۇزاق ۋاقىت بويى قاراعاندىعا اپاراتىن تاسجولدىڭ قۇرىلىسى اياقتالۋىن كٷتٸپ وتىر: ول كەزدە وبلىس ورتالىعىنا دەيٸنگٸ جولعا شامامەن ەكٸ ساعات كەتەدٸ. سونىمەن قاتار, بەلسەندٸلەردٸڭ ايتۋىنشا, جەرگٸلٸكتٸ بيلٸك نەعۇرلىم جاقىن بولسا, باقىلاۋ سوعۇرلىم جاقسى بولادى. پەتيتسيياعا 10 مىڭعا جۋىق ادام قول قويعان. بالقاش قاراعاندى وبلىسىمەن بٸرٸكتٸرٸلمەگەنگە دەيٸن جەزقازعان وبلىسىنا كٸرگەن بولاتىن. ٶتكەن اپتادا مەملەكەت باسشىسى ۇلىتاۋ وبلىسىنىڭ قۇرىلاتىنى تۋرالى جارييالادى. جەرگٸلٸكتٸ بيلٸك پەتيتسييا تۋرالى بٸلەدٸ, سونداي-اق, ونى ەلٸ بەلگٸلەنبەگەن شەكارانى انىقتايتىن ادامدارعا جەتكٸزۋگە ۋەدە بەردٸ.
