Batys Qazaqstan oblysy, Bórli aýdany, Berezov jáne Bestaý aýyly turǵyndaryn kóshirýdiń ekinshi kezeńinde 1455 turǵyn qonys aýdarmaq, dep habarlaidy Ult.kz tilshisi QazAqparat agenttigine silteme jasap.
Bórli aýdany ákimdiginen túsken málimetke qaraǵanda, qazirgi tańda jańa úiler qurylysy aiaqtalyp keledi. Ekinshi kezeńde Berezovtan 1348, Bestaýdan 107 turǵyn kóshirilmek. Turǵyndardyń tańdaýyna orai Aqsaida salynyp jatqan kóp qabatty eki turǵyn úige, qalaǵa irgeles Araltal aýylynda jer telimi bar jeke úilerge qonys aýdarýyna nemese aqshalai ótemaqy alýlaryna múmkindik berilgen. Atap aitqanda, aýdan ortalyǵynda kóp qabatty úilerge kóshýge 270 (Berezovtan 253, Bestaýdan 17) ótinish tússe, 95 adam (Berezovtan 88, Bestaýdan 7) jer telimi bar úilerge barýǵa tilek bildirgen. Taǵy bireýi Jarsýat aýylyna qonys aýdarý nietinde bolsa, aqshalai ótemaqy alýǵa 3 ótinish túsken. Bir turǵynnyń muragerlik qujatynyń rásimdelmeýine jáne taǵy úsheýiniń qonys aýdarý týraly túpkilikti sheshiminiń bolmaýyna bailanysty kúni búgin tórt adamnyń ótinishi qabyldanǵan joq.
Josparǵa sáikes, Aqsai qalasyndaǵy Qarashyǵanaq-1 shaǵynaýdanynda «AziiaTehStroi» JShS men «ATK» kompaniiasy salyp jatqan 153 páterlik eki toǵyz qabatty úi qonys aýdarýshylardyń igiligine berilmek. Qazirgi kezde bul úilerdiń segiz qabaty kóterilip qaldy, injenerlik kommýnikatsiialar da qosa júrgizilýde. Al Araltal aýylynda merdiger uiymdar «Marasant» JShS men «Stroitelnaia initsiativa» JShS 100 úidiń esik-terezelerin qondyryp, ishki sylaq jáne basqa jumystaryn júrgizýde.
Sonymen qatar Berezov pen Bestaý balalary úshin 300 oryndyq mektep, 320 oryndyq balabaqsha da paidalanýǵa beriletin bolady.
Atalmysh aýyldar turǵyndaryn Aqsai qalasyna kóshirý máselesi Batys Qazaqstan oblysy basshylyǵynyń erekshe baqylaýynda.
Eske sala keteiik, 2014 jylǵy 28 qarashada Berezovta balalar jappai gazdan ýlanǵan oqiǵadan keiin Úkimet qaýlysyna sáikes kóshirýdiń birinshi kezeńinde 82 otbasy nemese 416 adam (Berezovtan 390, Bestaýdan 26) Aqsai qalasynyń 5-shaǵynaýdanynda salynǵan 80 jáne 75 páterlik úilerdegi 128 jańa páterge qonys aýdarǵan bolatyn. Berezovta barlyǵy 1675 (423 úi), Bestaýda 133 turǵyn (31 úi) tirkelgen edi.
