باتىس قازاقستان وبلىسى, بٶرلٸ اۋدانى, بەرەزوۆ جەنە بەستاۋ اۋىلى تۇرعىندارىن كٶشٸرۋدٸڭ ەكٸنشٸ كەزەڭٸندە 1455 تۇرعىن قونىس اۋدارماق, دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
بٶرلٸ اۋدانى ەكٸمدٸگٸنەن تٷسكەن مەلٸمەتكە قاراعاندا, قازٸرگٸ تاڭدا جاڭا ٷيلەر قۇرىلىسى اياقتالىپ كەلەدٸ. ەكٸنشٸ كەزەڭدە بەرەزوۆتان 1348, بەستاۋدان 107 تۇرعىن كٶشٸرٸلمەك. تۇرعىنداردىڭ تاڭداۋىنا وراي اقسايدا سالىنىپ جاتقان كٶپ قاباتتى ەكٸ تۇرعىن ٷيگە, قالاعا ٸرگەلەس ارالتال اۋىلىندا جەر تەلٸمٸ بار جەكە ٷيلەرگە قونىس اۋدارۋىنا نەمەسە اقشالاي ٶتەماقى الۋلارىنا مٷمكٸندٸك بەرٸلگەن. اتاپ ايتقاندا, اۋدان ورتالىعىندا كٶپ قاباتتى ٷيلەرگە كٶشۋگە 270 (بەرەزوۆتان 253, بەستاۋدان 17) ٶتٸنٸش تٷسسە, 95 ادام (بەرەزوۆتان 88, بەستاۋدان 7) جەر تەلٸمٸ بار ٷيلەرگە بارۋعا تٸلەك بٸلدٸرگەن. تاعى بٸرەۋٸ جارسۋات اۋىلىنا قونىس اۋدارۋ نيەتٸندە بولسا, اقشالاي ٶتەماقى الۋعا 3 ٶتٸنٸش تٷسكەن. بٸر تۇرعىننىڭ مۇراگەرلٸك قۇجاتىنىڭ رەسٸمدەلمەۋٸنە جەنە تاعى ٷشەۋٸنٸڭ قونىس اۋدارۋ تۋرالى تٷپكٸلٸكتٸ شەشٸمٸنٸڭ بولماۋىنا بايلانىستى كٷنٸ بٷگٸن تٶرت ادامنىڭ ٶتٸنٸشٸ قابىلدانعان جوق.
جوسپارعا سەيكەس, اقساي قالاسىنداعى قاراشىعاناق-1 شاعىناۋدانىندا «ازيياتەحستروي» جشس مەن «اتك» كومپانيياسى سالىپ جاتقان 153 پەتەرلٸك ەكٸ توعىز قاباتتى ٷي قونىس اۋدارۋشىلاردىڭ يگٸلٸگٸنە بەرٸلمەك. قازٸرگٸ كەزدە بۇل ٷيلەردٸڭ سەگٸز قاباتى كٶتەرٸلٸپ قالدى, ينجەنەرلٸك كوممۋنيكاتسييالار دا قوسا جٷرگٸزٸلۋدە. ال ارالتال اۋىلىندا مەردٸگەر ۇيىمدار «ماراسانت» جشس مەن «سترويتەلنايا ينيتسياتيۆا» جشس 100 ٷيدٸڭ ەسٸك-تەرەزەلەرٸن قوندىرىپ, ٸشكٸ سىلاق جەنە باسقا جۇمىستارىن جٷرگٸزۋدە.
سونىمەن قاتار بەرەزوۆ پەن بەستاۋ بالالارى ٷشٸن 300 ورىندىق مەكتەپ, 320 ورىندىق بالاباقشا دا پايدالانۋعا بەرٸلەتٸن بولادى.
اتالمىش اۋىلدار تۇرعىندارىن اقساي قالاسىنا كٶشٸرۋ مەسەلەسٸ باتىس قازاقستان وبلىسى باسشىلىعىنىڭ ەرەكشە باقىلاۋىندا.
ەسكە سالا كەتەيٸك, 2014 جىلعى 28 قاراشادا بەرەزوۆتا بالالار جاپپاي گازدان ۋلانعان وقيعادان كەيٸن ٷكٸمەت قاۋلىسىنا سەيكەس كٶشٸرۋدٸڭ بٸرٸنشٸ كەزەڭٸندە 82 وتباسى نەمەسە 416 ادام (بەرەزوۆتان 390, بەستاۋدان 26) اقساي قالاسىنىڭ 5-شاعىناۋدانىندا سالىنعان 80 جەنە 75 پەتەرلٸك ٷيلەردەگٸ 128 جاڭا پەتەرگە قونىس اۋدارعان بولاتىن. بەرەزوۆتا بارلىعى 1675 (423 ٷي), بەستاۋدا 133 تۇرعىن (31 ٷي) تٸركەلگەن ەدٸ.
