Foto: QR OAM
Jýrnalist Jazira Begaly mektep ashanalaryndaǵy tamaqtaný júiesine qatysty ózekti máseleni kóterdi. Onyń aitýynsha, mázirge engizilgen paidaly degen taǵamdardy oqýshylardyń basym bóligi jemeidi, nátijesinde úlken kólemde azyq-túlik ysyrap bolyp jatyr, dep habarlaidy Ult.kz.
Balalar sary burshaq piýresin 98% jemeidi
Ashana qyzmetkerlerimen kezdesken jýrnalistiń aitýynsha, sary tústi burshaqtan daiyndalatyn piýreni balalardyń 98 paiyzy qabyldamaityn kórinedi.
«Balanyń paidaly tamaqqa daǵdylanýy týǵannan, otbasynan bastalýy kerek. Biraq kóptegen otbasynda qainatylǵan, buqtyrylǵan taǵam jei bermeidi. Maily, qýyrylǵan asty qalaidy», – deidi ol.
«Sorpa – naýqastyń asy» deitinder bar
Jazira Begaly qoǵamdaǵy tamaqqa degen kózqarastyń da úlken ról atqaratynyn aitty.
«Keibir er adamdar suiyq tamaq isteýge tyiym salady. «Sorpa – aýrý adamnyń tamaǵy» deidi. Únemi qýyrylǵan, maily tamaq densaýlyqqa ziian ekenin elemeidi», – deidi jýrnalist.
Mektep ashanasynda myń balaǵa unaityn mázir daiyndaý múmkin be?
Onyń aitýynsha, keibir balalar kartop, sábiz, kapýsta jemeidi, qoi etinen bas tartady, taýyq etinen jiirkenedi, tek makaron jegisi keledi.
«Mektep ashanasy kúnine myń balaǵa jeke-jeke unaityn tamaq daiyndai ala ma?» – dep suraq qoidy ol.
Jýrnalist mektep ashanalarynda jii janjal shyǵatynyn aitty.
-
Ata-analar mázirge narazy
-
Ashana meńgerýshileri tamaq qaldyqtarynan zardap shegedi
-
Kásipkerler shyǵynǵa batady
-
Azyq-túlik baǵasy qymbat
«Piiaz, kapýsta, goroh jemeitin balany májbúrleý múmkin emes. Loqsyp, qusyp tastaidy. Ashana qyzmetkerleri eńbeginiń zaia ketkenine qynjylady», – deidi ol.
Mamandar qunarly azyq engizýge tyrysady, biraq nátije joq
Jazira Begaly bul máseleni ústirt emes, tereń taldaý qajet ekenin aitty.
«Mázirdi mamandar daiyndaidy, biraq olar ashanadaǵy shynaiy jaǵdaidy bile me?» – dep saýal tastady.
Jýrnalistiń qorytyndysy:
-
Mekteptiń mindeti – bilim berý, biraq tamaq máselesi de mańyzdy.
-
Ystyq tamaqqa qatysty daý toqtamai keledi.
-
Balalar mektep asyn jemei, syrttan samsa, býrger, doner, pitstsa jeidi.
-
Demalys kúnderi fastfýd satatyn kafeler lyq toly.
«Bul máselege núkte qoiý kerek. Jai ǵana talap emes, naqty zertteý, júieli sheshim qajet», – dep túiindedi ol.
