QR Densaýlyq saqtaý vitse-ministri Ajar Ǵiniiat biyl balalar arasynda aýrýǵa shaldyǵý deńgeii tómendeginen aitty, dep habarlaidy QazAqparat.
«Jalpy, negizgi statistikalyq derekterde elimiz boiynsha bala týý artty, balalardyń aýrýshańdyǵy men ólim-jitiminiń deńgeii tómendedi, oń ózgerister baiqalady. Atap aitqanda, 2020 jyldyń 9 aiynda 320 302 bala dúniege keldi, 2019 jyldyń uqsas kezeńine qaraǵanda bul kórsetkish 5 paiyzǵa joǵary», - dedi vitse-ministr Ortalyq kommýnikatsiialar qyzmetinde.
Onyń aitýynsha, biylǵy jyldyń 9 aiynyń qorytyndysy boiynsha 18 jasqa deiingi balalardyń jalpy syrqattanýshylyq kórsetkishi 15 paiyzǵa tómendedi.
«Byltyrmen salystyrǵanda balalardyń arasynda tumaý jaǵdailary 28 paiyzǵa az tirkeldi. 2020 jyldyń 9 aiynda pnevmoniiamen jalpy syrqattanýshylyq kórsetkishi 2019 jyldyń sáikes kezeńimen salystyrǵanda 3,5 paiyzǵa tómendedi. Sonymen qatar, náreste óliminiń kórsetkishi 2,5 paiyzǵa, balalar óliminiń kórsetkishi 8 paiyzǵa azaidy», - dedi A. Ǵiniiat.
Budan buryn habarlanǵandai, biyl elimizde COVID-19 diagnozy rastalǵan barlyǵy 3 164 bala tirkelgen, onyń ishinde 114 jańa týǵan náreste bar. Qazirgi kezde COVID-19 indeti bar 340 bala baqylaýda tur.
