Foto: gov.kz
Búgin elimizde Analar kúni atalyp ótýde. Osyǵan orai QR Premer-ministriniń orynbasary – Mádeniet jáne aqparat ministri Aida Balaeva analarǵa arnap quttyqtaý joldady, dep habarlaidy Ult.kz.
Ministrdiń aitýynsha, bul mereke – meiirim men mahabbattyń, alǵys pen qurmettiń simvoly. Ana – ár adam úshin eń qymbat jan, izgiliktiń bastaýy, otbasynyń berekesi jáne urpaq tárbiesiniń ózegi.
— Qazaq dúnietanymynda ana beinesi qashanda airyqsha qasterlengen. Ananyń aqyly men ónegesi arqyly urpaq boiyna qurmet, izet, jaýapkershilik siiaqty asyl qasietter daridy. Bul – halqymyzdyń rýhani tutastyǵynyń negizi, — dedi ol.
Sonymen qatar ministr elimizde ana men balany qoldaýǵa baǵyttalǵan memlekettik saiasat júieli túrde júzege asyp jatqanyn atap ótti. Áleýmettik qoldaý sharalary jetildirilip, bilim berý men densaýlyq saqtaý salalarynda ana men balaǵa jaǵdai jasalyp keledi.
Quttyqtaý sońynda Aida Balaeva barsha analarǵa alǵys aityp, otbasylarǵa amandyq pen bereke tiledi.
