Búgin Qazaqstan Respýblikasynyń Premer-Ministri Baqytjan Saǵyntaev Astanada «Halyqaralyq Ekspo-2017 mamandandyrylǵan kórmesin» ótkizý aýmaǵyndaǵy sferada ornalasqan «Nur Álem» Bolashaq mýzeii» týristik aimaǵyn aralap kórdi, - dep habarlaidy "Ult aqparat".
Aralaý barysynda Baqytjan Saǵyntaev «Ekspo-2017» nysandarynyń kórmeden keiin paidalanylýymen tanysty. «Bolashaq mýzeii» qabattarynda tsifrlyq, mýltimediialyq jáne interaktivti tehnologiialar arqyly energiianyń negizgi túrleri — ǵarysh, kún, biomassa, jel, sý jáne kinetika energiiasy kórsetilgen.
«Ekspo-2017» nysandaryn kórmeden keiin paidalaný tujyrymdamasyna sáikes «Nur Álem» pavilony, taqyryptyq pavilondar jáne úzdik praktikalar aimaǵy mýzei keshenderi retinde jumys jasaidy. Kongress ortalyq, energiia holy, art ortalyq jáne kommertsiialyq pavilondar kórme holdary, kontsert zaldary retinde óziniń maqsatty taǵaiyndamasyn saqtap qalady.
Eske sala keteiik, «Ekspo-2017», Halyqaralyq kórmeler biýrosymen (HKB) moiyndalǵan halyqaralyq mamandandyrylǵan kórme, Astanada 2017 jylǵy 10 maýsymnan bastap 10 qyrkúiekke deiin ótkizildi. Kórmeniń taqyryby — «Bolashaq energiiasy». Kórmede 115 memleket pen 22 halyqaralyq uiym óz pavilondaryn tanystyrdy. «Ekspo-2017» ótken úsh aida elordaǵa 5,4 mln adam keldi. Kórmeniń ózin 3,977 mln adam aralap kórdi.
«Ekspo-2017» ortalyq nysany — «Nur Álem» — diametri 80 metr, biiktigi 100 metr tutas qalypty sfera bolyp tabylatyn álemdegi jalǵyz ǵimarat.
