بٷگٸن قازاقستان رەسپۋبليكاسىنىڭ پرەمەر-مينيسترٸ باقىتجان ساعىنتاەۆ استانادا «حالىقارالىق ەكسپو-2017 مامانداندىرىلعان كٶرمەسٸن» ٶتكٸزۋ اۋماعىنداعى سفەرادا ورنالاسقان «نۇر ەلەم» بولاشاق مۋزەيٸ» تۋريستٸك ايماعىن ارالاپ كٶردٸ, - دەپ حابارلايدى "ۇلت اقپارات".
ارالاۋ بارىسىندا باقىتجان ساعىنتاەۆ «ەكسپو-2017» نىساندارىنىڭ كٶرمەدەن كەيٸن پايدالانىلۋىمەن تانىستى. «بولاشاق مۋزەيٸ» قاباتتارىندا تسيفرلىق, مۋلتيمەدييالىق جەنە ينتەراكتيۆتٸ تەحنولوگييالار ارقىلى ەنەرگييانىڭ نەگٸزگٸ تٷرلەرٸ — عارىش, كٷن, بيوماسسا, جەل, سۋ جەنە كينەتيكا ەنەرگيياسى كٶرسەتٸلگەن.
«ەكسپو-2017» نىساندارىن كٶرمەدەن كەيٸن پايدالانۋ تۇجىرىمداماسىنا سەيكەس «نۇر ەلەم» پاۆيلونى, تاقىرىپتىق پاۆيلوندار جەنە ٷزدٸك پراكتيكالار ايماعى مۋزەي كەشەندەرٸ رەتٸندە جۇمىس جاسايدى. كونگرەسس ورتالىق, ەنەرگييا حولى, ارت ورتالىق جەنە كوممەرتسييالىق پاۆيلوندار كٶرمە حولدارى, كونتسەرت زالدارى رەتٸندە ٶزٸنٸڭ ماقساتتى تاعايىنداماسىن ساقتاپ قالادى.
ەسكە سالا كەتەيٸك, «ەكسپو-2017», حالىقارالىق كٶرمەلەر بيۋروسىمەن (حكب) مويىندالعان حالىقارالىق مامانداندىرىلعان كٶرمە, استانادا 2017 جىلعى 10 ماۋسىمنان باستاپ 10 قىركٷيەككە دەيٸن ٶتكٸزٸلدٸ. كٶرمەنٸڭ تاقىرىبى — «بولاشاق ەنەرگيياسى». كٶرمەدە 115 مەملەكەت پەن 22 حالىقارالىق ۇيىم ٶز پاۆيلوندارىن تانىستىردى. «ەكسپو-2017» ٶتكەن ٷش ايدا ەلورداعا 5,4 ملن ادام كەلدٸ. كٶرمەنٸڭ ٶزٸن 3,977 ملن ادام ارالاپ كٶردٸ.
«ەكسپو-2017» ورتالىق نىسانى — «نۇر ەلەم» — ديامەترٸ 80 مەتر, بيٸكتٸگٸ 100 مەتر تۇتاس قالىپتى سفەرا بولىپ تابىلاتىن ەلەمدەگٸ جالعىز عيمارات.
