- Baqytty bolý úshin Prezident bolý mindetti emes. Búgin Respýblikalyq jastar forýmynda Elbasy Nursultan Nazarbaev osylai aitty, dep habarlaidy Ult.kz tilshisi QazAqparat agenttigine silteme jasap.
«Ata-analar sen oqýǵa tiissiń, sonda prezident bolasyń dep aitady. Prezident bolǵanyna meniń qarsylyǵym joq. Biraq, ol balanyń basynda qalyp qoiady. Sodan keiin ol oryndalmaǵannan keiin qinalady. Baqytty bolý úshin mindetti túrde prezident bolý qajet emes. Múmkin tipti kerisinshe bolýy múmkin. Bir qaljyń aityp bereiin. Bir kezde biz Eltsinge: «Boris Nikolaevich, nemereńiz prezident bolǵysy keledi», dep aitqan edik. Al ol «Reseige eki prezidenttiń qajeti qansha?» deidi. Eń bastysy - adam tárbieleý, bilim, jaqsy mamandyq alý. Jaqsy bilimdi senen eshkim tartyp ala almaidy. Sonda sen ómirde jetistikke jetesiń», - dedi Nazarbaev.
Osy rette Memleket basshysy elimizde jastarǵa sapaly bilim berýge airyqsha mán berilip kele jatqandyǵyn basa aitty.
«Tek osy jyldardyń ishinde ǵana shamamen 1500 jańa mektep salyndy, jóndep jatyrmyz. Bul mektepter burynǵydai emes. Olar múldem zamanaýi, ziiatkerlik mektepter. Onda respýblikalyq dúniejúzilik baiqaýlardyń jeńimpazdary, úzdik oqýshylar qabyldanady. Solardan úmit kútý kerek. Árine, bastapqy saraptama barlyq adamnyń múmkinshiligi birdei emestigin kórsetti. Adamdardyń barlyǵy birdei óz múmkinshilikterimen ýniversitet aiaqtai almaidy», - dedi Prezident.
.jpeg)