- باقىتتى بولۋ ٷشٸن پرەزيدەنت بولۋ مٸندەتتٸ ەمەس. بٷگٸن رەسپۋبليكالىق جاستار فورۋمىندا ەلباسى نۇرسۇلتان نازارباەۆ وسىلاي ايتتى, دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
«اتا-انالار سەن وقۋعا تيٸسسٸڭ, سوندا پرەزيدەنت بولاسىڭ دەپ ايتادى. پرەزيدەنت بولعانىنا مەنٸڭ قارسىلىعىم جوق. بٸراق, ول بالانىڭ باسىندا قالىپ قويادى. سودان كەيٸن ول ورىندالماعاننان كەيٸن قينالادى. باقىتتى بولۋ ٷشٸن مٸندەتتٸ تٷردە پرەزيدەنت بولۋ قاجەت ەمەس. مٷمكٸن تٸپتٸ كەرٸسٸنشە بولۋى مٷمكٸن. بٸر قالجىڭ ايتىپ بەرەيٸن. بٸر كەزدە بٸز ەلتسينگە: «بوريس نيكولاەۆيچ, نەمەرەڭٸز پرەزيدەنت بولعىسى كەلەدٸ», دەپ ايتقان ەدٸك. ال ول «رەسەيگە ەكٸ پرەزيدەنتتٸڭ قاجەتٸ قانشا?» دەيدٸ. ەڭ باستىسى - ادام تەربيەلەۋ, بٸلٸم, جاقسى ماماندىق الۋ. جاقسى بٸلٸمدٸ سەنەن ەشكٸم تارتىپ الا المايدى. سوندا سەن ٶمٸردە جەتٸستٸككە جەتەسٸڭ», - دەدٸ نازارباەۆ.
وسى رەتتە مەملەكەت باسشىسى ەلٸمٸزدە جاستارعا ساپالى بٸلٸم بەرۋگە ايرىقشا مەن بەرٸلٸپ كەلە جاتقاندىعىن باسا ايتتى.
«تەك وسى جىلداردىڭ ٸشٸندە عانا شامامەن 1500 جاڭا مەكتەپ سالىندى, جٶندەپ جاتىرمىز. بۇل مەكتەپتەر بۇرىنعىداي ەمەس. ولار مٷلدەم زاماناۋي, زيياتكەرلٸك مەكتەپتەر. وندا رەسپۋبليكالىق دٷنيەجٷزٸلٸك بايقاۋلاردىڭ جەڭٸمپازدارى, ٷزدٸك وقۋشىلار قابىلدانادى. سولاردان ٷمٸت كٷتۋ كەرەك. ەرينە, باستاپقى ساراپتاما بارلىق ادامنىڭ مٷمكٸنشٸلٸگٸ بٸردەي ەمەستٸگٸن كٶرسەتتٸ. ادامداردىڭ بارلىعى بٸردەي ٶز مٷمكٸنشٸلٸكتەرٸمەن ۋنيۆەرسيتەت اياقتاي المايدى», - دەدٸ پرەزيدەنت.
.jpeg)