Atyraýda oblys ákiminiń orynbasary Baqytgúl Hamenova koronavirýsqa qarsy vaktsina saldyrdy, dep habarlaidy "Ult aqparat".
Oblystyq densaýlyq saqtaý basqarmasy baspasóz qyzmetiniń málimetinshe, qaýipti virýsqa qarsy «Spýtnik V» vaktsinasynyń 1000 dozasy jetkizilgen. Bastapqy meditsinalyq-sanitarlyq kómek kórsetetin 24 mekemede vaktsina salýǵa arnalǵan oryndar jasaqtalǵan. Onyń ishinde 15-i memlekettik, qalǵandary – jekemenshik meditsinalyq uiymdar. Vaktsina slatyn 16 pýnkt qalada ornalasqan. Al, Maqat aýdanynda 2, basqa aýdandarda bir pýnkten bar.
Atyraý qalasyndaǵy №3 emhanada «Spýtnik V» vaktsinasyn oblys ákiminiń orynbasary Baqytgúl Hamenova, oblystyq densaýlyq saqtaý basqarmasynyń basshysy Ashan Baidýáliev, oblystyq sanitariialyq-epidemiologiialyq baqylaý departamentiniń basshysy Mádeniet Tanaýov, oblystyq onkologiialyq dispanserdiń direktory Elmira Saparova, oblystyq aýrýhana direktory Erbol Imanǵaliev saldyrdy.
«Vaktsina almas buryn dene qyzýymdy ólshedi. Ekpe salý kabinetinen shyqqannan keiin dárigerdiń baqylaýynda boldym. Jaǵdaiym qalypty. Endi 21 kúnnen keiin vaktsinanyń ekinshi bóligin alamyn», - dedi Baqytgúl Hamenova.
